104 Civitate atque Dioc. te ferventer accingens, ne dissimulare videaris quod terreni principes emulantur quantum in te fuerit contra ipsos hereticos credentes fautores defensores et recep- tatores eorum sic insurgere studeas, sic eisdem Inquisitoribus circa tam pium commissum eis officium salubriter exequendum consiliis auxiliis et favoribus opportunis assistas, quod tuo mediante suffragio per eorum sacrum ministerium ac studium vigile et sollicitudinem indefessam predicte tue Civitas et Dioc. ab huiusmodi pravis contagiis assistente divina gratia expurgentur, ac fidei catholice nitor multiplicetur et solidetur ibidem et clarius et lucidius elucescat in Dei honorem et eius fidei incrementum soliditatem et statum, per quod ab eo cuius ages in hac parte negotium inextimabile tibi premium compares, et nobis ac apostolice sedi dignis in Domino laudibus commendandus occurras. Datum Avinione Kal. Maii Anno Secundo. In eundem modum venerabili Fratri . . Episcopo Missinensi etc. ut supra usque et limitibus adeo patenter etc. ut in eadem usque cupientes tamen anexie in Regnis terris et locis dictorum Regnorum veluti etc. ut in eadem usque ad Inquisitionis officium in predictis Regnis locis et terris contra etc. usque indefessam predicta Regna terre et loca etc. ut in eadem per totum. Datum ut supra. In eundem modum venerabili Fratri .. Episcopo Olomucensi etc. ut in prima per totum mutato nomine Ciritatis. (Ex autographo Regesto Johannis papæ XXII. anni II. part. I. pag. 315. epist. 1053. in Tabulariis Vaticanis copiavit Dr. B. Dudik.) CXXXIII. Johannes, papa XXII. mandat . . duci Cracoviensi episcopisque Pragensi et Olomucensi aliisque pluribus ut institutis invalescentis in partibus regnorum Bohemiœ et Poloniœ hœreseos inquisitoribus secundum omne suum posse assistent. Dt. Avinione Kal. Maii 1318. Johannes Episcopus Servus Servorum Dei Dilecto filio Nobili Viro . . Duci Cra- coviensi salutem et apostolicam benedictionem. Cum Habræ patris fidei typum geramus in Dei ecclesia licet insufficientibus meritis catholicam fidem specialiter tueri tenemur, ipsiusque pro viribus ubilibet incrementa producere, ac eam a malignorum et pravorum quorumlibet hereticorum presertim atque credentium fautorum defensorum ac receptatorum illorum dolosis insidiis et fallaciis fraudulentis opportunis remediis preservare, propter quod nimio dolore replemur cum audimus aliquos vel sentimus ad ipsius fidei depressionem qualicumque ma- lignitate consurgere et ad demolitionem vinee Domini Sabaoth nequiter anhelare, nunc eam temerariis depravando reprehensionibus, nunc fictis et mendacibus pervertendo commentis aut ei detractionibus arrogabilibus derogando. Sane non sine amaritudine cordis accepimus quod in aliquibus partibus Regnorum Boemie atque Polonie, et in earum confinibus atque limitibus precipue in Pragensi Olomucensi Cracoviensi Wratislaviensi ac Missinensi Civitati- bus et Diocesibus adeo patenter heretice infidelitatis error invaluit, quod ibidem quamplurimi a via veritatis prorsus aversi euntes post devium falsitatis ac seipsos diversis et variis