63 cereuisia propinari. Quilibet eciam in dicta Panauia residens fructus quoslibet sibi proueni- entes in foro nostro omni die vendere sine exaccione qualibet poterit, Et vinum crementi sui a festo beati Michaelis vsque ad festum beati Martini annis singulis poterit licite propinare. Est eciam diffinitum, quod homines dicte prepositure ad nullas Exacciones, contribuciones, seu collectas, seu soluciones, quocumque nomine censeantur, cum ipsa Ciuitate nostra sint obnoxij nec teneantur, nec ad eas compelli debent quomodolibet uel artari. Hoc promittimus quod tempore, quo ipse dictam tenebit preposituram Tres pistores predicti singulis diebus forum nostrum in Ciuitate nostra, sicut hucusque fecerunt, visitare valeant, panes suos vendendo, nec ex hoc soluciones aliquas teneantur, sed postquam alium prepositum dicte prepositure preesse contingerit, et prepositus cum prepositura, et Ciuitas cum Ciuibus super hoc in Juribus sibi competentibus remanebunt. In cuius rei testimonium presentes literas Sigillo ciuitatis nostre dedimus consignatas, Actum et datum Brunne IIII° Nonas Marcii Anno domini MOCCCOXVO. (E litera confirmatoria Karoli marchionis Moraviæ ab anno 1342. in codice Ms. fol. 60. in urchivo ejusdem civitatis sub Nr. 34.) XC. Johannes, Bohemiæ rex, confirmat monasterio Tišnowicensi litteras regis Wenceslai II. super exemtione ab omnibus vexationibus de anno 1298. inhibens, ne quis Camerarius Subcamerarius, Judex provincialis seu Villicus aut alius officialis Moraviæ contra eam aliquid audeat attentare. Datum in Trebecz IV. Idus Martii 1315. (Orig. membran, cujus sigillum avulsum est, in archivo ejusdem monasterii apud C. R. Gubern. Brunæ sub lit. Y. l. n. 4.) XCI. Petrus, episcopus Olomucensis, unit decanatum parrochialis ecclesiœ Cremsiriensis ad S. Mariam cum ecclesia collegiali ad S. Mauritium ibidem. Dt. Olomutii IX. Kalend. Aprilis 1315. Petrus dei gracia Olomucensis Episcopus, omnibus in perpetuum, Onerosa cure pastoralis instancia, quam diuini celsitudo consilij nostris induxit humeris perferendam vehe- menter nos excitat, pulsat continue angitque propensius mentem nostram, vt inter cetera sollicitudinum studia, quibus noster animus multiplici redditur varietate distractus, ad subiectas nobis Ecclesias, presertim que nobis iurepatronatus inseruiunt operose consideracionis intuitum convertentes, Sic in eis dignitatum statum, sic ministrancium ordinem nostre circumspeccionis prouidencia moderemur, vt et institutus in ipsis precellencie gradus, et debita personarum prelacio Sufficiencie pocius vbertate proficiat, quam defectus necessitute vilescat, Sane nobis ad ipsius Olomucensis Ecclesie Regimen diuina vt premissum est disposicione vocati con- firmacionis adepto munere et plena Episcopatus ipsius administracionis potestate suscepta, statum Ecclesie Sancti Mauricij in Ciuitate nostra Cremsier, quam pia predecessorum nostro-