341 transferimus et transfundimus, et ipsam Capellam eidem Hospitali vnimus et incorporamus Statuentes, mandantes et Confirmantes, vt omnia Jura, Libertates et Dominia, que ipsius Capelle fuerant, de cetero hospitalis iam dicti omnimode censeantur, Et vt rector hospitalis, qui nunc est, uel qui pro tempore fuerit, de Capella ipsa et bonis disponendi et ordinandi, plenam, liberam et omnimodam habeat potestatem, Statuimus insuper, precipimus et man- damus, vt prouisor et Rector ipsius Hospitalis per honestum et discretum presbiterum, quem nobis seu dyocezano, qui pro tempore fuerit presentare tenebitur in dicta Capella faciat in sacri celebracione officij congrue deseruiri, Presbiterum tamen sic presentatum Abbatissa ipsius Monasterij vnacum conuentu suo, reuocare et mutare poterunt, quocienscumque ipsis placuerit pro sue libito voluntatis, In quorum testimonium presentes litteras fieri et Sigillo- rum nostri, ac nostre Olomucensis Ecclesie Capituli, procurauimus munimine roborari. Actum et Datum Prage In domo habitacionis nostre, Anno domini Millesimo Trecentesimo Trice- simosecundo, Decimo Kalendas Octobris. (Orig. membran, cum duobus sigillis bene conservatis in archivo ejusdem monasterij apud C. R. Gubern. Brunæ sub lit. G. n. 18.) CDXLV. Hinco, episcopus Olomucensis, confirmat monasterio Aulæ S. Mariœ donatam a regina Elisabetha domum et capellam regiam S. Wenceslai in civitate Bruna. Datum Pragœ X. Kalend. Octobris. 1332. Hynco dei et apostolice sedis gracia Olomucensis Episcopus, Omnibus in perpe- tuum, Ex incumbenti nobis pastoralis officij dignitate vniuersis Religionum ordinibus nos recognoscimus obligatos, illis tamen Religiosis personis, que spretis huius seculi oblecta- cionibus atque pompis semetipsas spontance abnegantes in humilitate sedula secuntur sponsum suum dominum Jesum Christum magis nos reputamus obnoxios, vt eis in ipsarum necessi- tatibus prout nobis est possibile succuramus, hoc nobis Ecclesiastica mandat auctoritas, racio nos instruit, et sanctorum Patrum statuunt sancciones, Hinc est quod cum Illustris domina, Domina Elyzabeth Regina diue recordacionis quondam domini Wenceslai Bohemie et Polonie Regis Relicta, domum et Capellam Regiam Sancti Wenzeslai in Ciuitate Brun- nensi sitam, quam ex donacione Serenissimi domini nostri, domini Johannis Bohemie et Polonie Regis, ac Comitis Lucenburgensis habuerat, Monasterio Aule Sancte Marie in Suburbio Ciuitatis Brunne sito, Cuius Monasterij predicti Rex et Regina fundatores existunt in persona Abbatisse donauerit, et ipsam Capellam cum omnibus Juribus, libertatibus ac omni dominio in Abbatissam et Conuentum transtulerit pleno iure, Petentes instanter, vi ipsam donacionem ratam habere et eandem Capellam Custodie predicti Monasterij incorpo- rare, auctorizare et confirmare, prout ad nostrum spectat officium dignaremur. Nos quoque super hijs diligenti et matura deliberacione prehabita, Honorabilium virorum dominorum Jenczonis decani, Sboronis prepositi, Andree Archidiaconi, Tociusque nostre Olomucensis Ecclesie Capituli consilio et expresso consensu, ad honorem et laudem altissimi sueque