286 olim Margaretha filia Bovis in Bruna, similiter habuit liberos, a predecessoribus nostris Bo- hemie regibus ac a nobis, pro animarum salute et suorum remedio peccaminum ecclesie Sancti Petri in Bruna dare et incorporare, quantum ipsis est possibile, desiderant, sic quod ex ipsis et aliis, quos ibidem jam emerunt, agris, corpus fiat prebendale pro canonico in eadem, et ideo nobis humiliter supplicarunt, ut de munificentia regia eidem incorporationi dignaremur gratiosius assentire. Nos itaque tam pium in domino commendantes propositum, dictorum Stephani et Lyebste iustis petitionibus inclinati, predicte incorporationi et unioni laneorum et agrorum, nec non aliorum omnium, que ex causis predictis ad emendationem illius prebende, seu canonie dederint, seu fecerint, intuitu remunerationis divine, quantum speramus, consensum nostrum adhibemus de benignitate regia, ac certa nostra scientia fa- vorabilem et expressum, inhibentes capitaneo, et ceteris nostris officiatis omnibus per Mo- raviam, qui sunt, vel pro tempore fuerint, ne dictam ecclesiam Sancti Petri vel illius prebende canonicum, contra prenotatam nostram gratiam perturbare audeant, vel aliqualiter molestare. In cuius rei testimonium presentes litteras fieri, et sigillo nostro fecimus com- muniri. Datum Brune anno domini millesimo trecentesimo vigesimo octavo, XVI. Kal. Novembris. (Copia simplex inter analecta Aut. Boczek in archivo marchionatus Moraviæ sub Nr. 2973.) CCCLXXII. Elisabetha, Bohemia et Poloniœ regina, Wenceslai olim regis relicta, concedit, ut Straho- wiensis abbas vineam in Hustopeč abbati et monasterio Břewnowiensi vendere possit. Dt. in monasterio Aula s. Marie, Kalendas Novembris 1328. Nos Elizabeth dei gracia Regina, Domini Wencezlai Boemie, et Polonie olim Regis Relicta ad vniuersorum noticiam tam presencium, quam futurorum, tenore presentium volumus peruenire, Quod ad laudem omnipotentis dei, ob reuerenciamque gloriose genitricis eius Vir- ginis Marie, vineam quandam in Hustopecz sitam in antiquo monte Monasterio siue domui beate virginis predicte in Monte Syon, siue Strahow, ordinis Premonstratensis Pragensis Dyocesis, vt de ipsa vinea fratribus siue Conuentui predicte domus, singulis annis fieret solacium, siue pitancia specialis, dedimus, et donauimus, liberam omni Jure, et libertate, quibus libertari libere vinee consueuerunt, quam pro nostra parata comparauimus pecunia, in nostrorum remissionem peccaminum, nostrorumque predecessorum remedium salutare. Cumque vero Abbas et Conuentus predicte domus, dictam vineam multis tenuissent tempo- ribus pacifice et quiete, visum fuit in oculis omnium, quod propter loci distanciam gravemque vecturam, multaque alia legitima impedimenta, matura habita deliberacione, de consensu omnium, votoque vnanimi dictam vineam vendere deberent, et alia bona equiualencia ipsis accomoda pro eadem pecunia comparare. Accedentes itaque ad nostram presenciam dicti Monasterii Abbas et Conuentus nobis humiliter supplicarunt, ut huic vendicioni nostrum da- remus consensum et fauorem, quatenus Abbati et Conuentui Monasterii Brunouiensis, Ordinis sancti Benedicti, dicte Pragensis dyocesis possint vendere, et titulo vendicionis tradere, omni Jure et libertate quibus nos ipsis dictam vineam dederamus. Nos vero ipsam vendicionem