249 suo non petita nec obtenta licentia, quamvis illam obtinuerit a dilectis filiis Conventu ipsius Monasterii Syloensis electioni consensit eidem, ipsamque procuravit per dilectum filium .. Patrem Abbatem eiusdem Lucensis Monasterii confirmari, ac sibi a venerabili fratre nostro.. Episcopo Olomucensi munus benedictionis impendi, dictique Monasterii Lucensis suscepit regimen et se ingessit et ingerit administracioni Lucensis Monasterii prelibati. Quare dictus Zacharias suo et procuratorio nomine predicto humiliter supplicavit ut dignaremus an huiusmodi obtenta licencia et consensus prestitus subsisterent declarare, et si carerent iuribus eidem Monasterio Lucensi paterne consulere, ac ei de persona ydonea providere. Nos igitur si premissa veritate nitantur attendentes in electione prefata dictorum Conventus Lucensis voluntatum unicordium extitisse et propterea pro dicta electione ac persona sic electa quodammodo presumentes discretioni vestre per apostolica scripta commitimus et mandamus quatinus vos vel duo aut unus vestrum superni Regis pacifici nomine invocato, si Johannem Lupum Zachariam prenominatos et alios Canonicos supradictos ad eam reducere poteritis concordie unionem, quod ipsi Zacharias et alii Canonici annuant, ut idem Johannes Lupus remaneat in regimine Lucensis Monasterii antedicti, electionem predictam auctoritate nostra confirmare curetis supplentes prefatum defectum qui in consensu huiusmodi intervenit eique facientes a suis subditis obedientiam et reverentiam debitam exhiberi. Contradictores per censuram ecclesiasticam appellatione postposita compescendo. Recepturi ab eo postmodum nostro et Ecclesie Romane nomine fidelitatis solite iuramentum iuxta formam quam sub bulla nostra vobis mittimus interclusam formam autem iuramenli quod dictus Johannes Lupus pre- stabit nobis per vestras litteras suo sigillo signatas per proprium nuncium quantotius destinetis. Si vero prefatos Zachariam, alios Canonicos et Johannem Lupum ad premissam concordie reducere nequiveritis unionem, huiusmodi electionem et consensum irritos et inanes auctoritate decernatis eadem, et post huiusmodi decretum nostrum eisdem Conventui Lucensi liberam auctoritate predicta licentiam concedatis, ut extunc de novo eidem Monasterio Lucensi provideant per electionem vel postulationem Canonicam de Abbate. Volumus autem quod huiusmodi decretum nostrum ad consequentiam non trahatur. Datum Avinione IIII. Kalendas Decembris Anno Undecimo. (Ex autographo Regesto Johannis, papæ XXII. anni XI. part. I. pag. 163. epist. 395. in Tabulariis Vaticanis copiavit Dr. B. Dudík.) CCCXXI. Testamentum Petri vicarii Olomucensis. Actum 1327. Petrus vicarius — Olomucensis Ecclesie — testamento legat vnam marcam census pro anniuersario suo in ecclesia Olomucensi — que per Budislaum, Simonem iuniorem et Johannem vicarios comparetur — Item duos laneos, quos ad curiam prebende sue compa- ravit taliter successoribus dat, ut in anniuersariis suis ecclesie Olomucensi — vnum lothonem tribuant — sub sigillis — Jenczonis decani et magistri Stephani archidiaconi Znoymensis et canonici Olomucensis. Anno domini M°.CCC°.XXVII°. (E codice n. II. f. 98. in archivo capituli Olomucensis asservato extraxit Ant. Boczek,) 32