132 pueros filiorum suorum parte ex altera, questio mota fuissel, super Cliuo Baline prope Znoymam, ex opposito Montis Sancti Ypoliti. qui Cliuus protenditur in latitudine a superiori parte Baline, vsque ad riuulum in ymo decurrentem, et grednicz vocitalum. et in longitudine, a muro Ciuitatis vsque ad Molendinum Nadlarij iuxta viam sancti Ypoliti situm, et super decima et seruicio, ac Jure Montis, de vineis, Ortis, et aliis in eodem Cliuo cultis, pro- uenientibus, Coram domino Johanne abbate Scotorum in Wienna, conseruatore Monasterij Welegradensis, asserentibus predictis Religiosis. eundem Cliuum cum Juribus et pertinencijs suis prefatis, esse de parte Baline et ideo cum illa ad suum Monasterium pertinere, parte uero aduersa, scilicet Petro, dicto Molendinatore. Ciue Znoymensi, cui omnes heredes dicti Palmarij tunc superstites, nominatim et expresse, omne Jus suum, quod in eodem Cliuo videbantur habere, eo quod grednicz diceretur, et racione Prinilegij domini Wenczeslay quondam Incliti Regis Boemie Sexti, in presencia Petermanni Judicis. Burschonis, Magistri Ciuium Znoyme, et in mea presencia scilicet Stanizlay, Nicolay dicti Phanczagel. Rudlini filij friderici pellificis, Conradi Havennarij Scabinorum Ibidem, resignarunt, Contrarium dicente, videlicet, quod ad eum, et non in Welegrad, Idem Cliuus, cum omnibus Juribus suis pertineret racione resignacionis predicte. Tandem ab vtraque parte sponte fuit in nos. tamquam in arbitros, et arbitratores, vel amicabiles compositores compromissum, Ita quod quidquid inter eas ordinaremur, deberet inviolabiliter obseruari, Nos itaque visis Juribus parcium et auditis, de maturo consilio sentenciauimus, et sentenciando iudicauimus dictum Cliuum esse de parte Baline, cum longitudine et latitudine sua prefata, ac Ideo cum omnibus Juribus et pertinencijs, scilicet cum decima, Jure Montis et seruicio, ad Cenobium prelibatum pertinere, pro bono tamen pacis ordinauimus, quod Idem Monasterium de vineis in eodem Cliuo plantatis et plantandis integram decimam percipiat, per tempora infinita, in signum dominij principalis, antedictus autem Petrus, el heredes sui legittimi, Jus montis et seruicium denariale, in eodem Cliuo tantum, nomine Monasterij Welegradensis perpetuo possidebunt, nec licebit eis ista in alios transferre, nisi de licencia expressa abbatis et conuentus Cenobij sepedicti, alioquin si secus egerint, ipso facto Omne Jus suum perdiderint, Item ordinauimus, quod si aliquis, de heredibus predicti Palmarij prefatos Religiosos vellet in posterum aliqualiter inquietare occasione Cliui predicti, dictus Petrus et heredes sui debent suis expeusis hoc omnimode disbrigare, Item ordinauimus, quod quecumque parcium nostram ordinacionem violauerit, nobis octo marcas, et parti alteri viginti marcas grossorum Pra- gensium soluere leneatur. Hec autem nostra ordinacio, postquam a nobis fuit promulgata, statim fuit ab vtraque parte approbata, et voluntarie recepta, In cuius rei Testimonium presentes literas scribi fecimus, et honorabilis ac Religiosi viri, domini Johannis abbatis Lucensis, ac nostrorum sigillorum Munimine procurauimus roborari. Testes vero horum sunt iam dicti dominus abbas Lucensis, dominus Albertus vicearchydyaconus Znoymensis, et Judex, ac Magister Ciuium et Scabini supradicti, et quam plures alij ſidedigni, Datum Znoyme anno domini Millesimo Trecentesimo vicesimo, Septimo ydus Nouembris. (Orig. membran. cum tribus sigillis parvis ex parte jam lsis in archivo monasterii Wele- hradensis apud C. R. Gubern. Brunæ sub lit. P. n. 16.)