255 nostros spectabant, et sicut ipsa Regina ea a nobis comparauerat, pro certa sue dotis et dotalicij pecunie quantitate. Nosque dictam donacionem ratam et gratam habentes confirmantes, approbantes, et ratificantes, ex certa nostra sciencia de plenitudine regie potestatis, et ad hec omnia predicta vendicionem et donacionem, Jura, gracias et libertates, per Nos liberaliter datas et concessas, prout in literis super hoc confectis plenius continetur, firma et grata habentes, huius scripti patrocinio communimus, Supplentes omnem defectum, si quis in pre- missis forsitan omnibus interuenit, de nostre maiestatis plenitudine potestatis, Pronuncciantes et declarantes expresse, quod in uendicione siue donacione predictorum bonorum in Hustopecz, Nostarowicz, Scoronicz et specialiter Meneiz siue sit canonicatus et prebenda Ecclesie Sancti Petri in Brunna, siue parrochialis Ecclesia omne Jus patronatus siue Jus presentandi tam Parrochialium Ecclesiarum, quam canonicatus et prebende in Meneiz, cum vniuersitate pertransisse, et nullum nobis heredibus uel successoribus nostris Jus competere, uel posse competere in presentacione dictarum Ecclesiarum, Canonicatu uel prebenda in Meneiz tempo- ribus profuturis. Ne quis autem hominum cuiuscumque status aut condicionis existat, contra predicta, vendicionem, donacionem, Juspatronatus, uel Jus presentandi aliquid dicere uel attemptare presumpserit publice vel occulte, ad maioris gracie incrementum de mera Regalis munificencie gracia renunciamus expresse omni Juri accioni in Judicio et extra, quod nobis heredibus uel successoribus nostris, Regibus Boemie et Marchionibus Morauie in predictorum Bonorum vendicione donacione uel presentacione competebat, uel competere posset quomodo- libet in futurum, Promittentes bona fide nostro, heredum ac successorum nostrorum nomine, omnia prescripta inuiolabiliter obseruare perpetuo, nec contra ea quitquam attemptare verbo uel facto, pubblice uel occulte. In cuius rei testimonium robur perpetue firmitatis de specialis dono gracie hanc literam dedimus, nostri maioris sigilli munimine roboratam, Actum et Datum Brunne VIII. Idus Februarii, Anno domini Millesimo, Trecentesimo, vicesimoseptimo. (Orig. membran, cum sigillo majori bene conservato in archivo ejusdem monasterii apud C. R. Gubern. Brunæ sub lit. Q. n. 12.) CCCXXVII. Johannes, rex Bohemiœ, curiam in villa Tajax cum laneo ad ipsam pertinente et molendinum in Tempe juri civili Znoymensis civitatis subjicit. Dt. Brunc VIII. Idus Februarii 1327. Nos Johannes dei gracia Boemie et Polonie Rex, ac Lucemburgensis Comes, ad vniuersorum noticiam volumus tenore presencium peruenire, Quod nos dilecto nobis Johanni, dicto de Tempe, quod volgariter dicitur Aw, Ciui nostro Znoymensi, volentes graciam facere specialem, concedimus de benignitate Regia, et fauemus, vt bona sua, videlicet Curiam in villa Dejax sitam, et Laneum ibidem, ipsi Curie pertinentem, cum omnibus suis Juribus, vsufructibus, ac pertinencijs vniuersis, in quibuscumque consistant, ac eciam dimidium Molen- dinum, dictum Molendinum Richkardis situm in Tempe, in Litore fluuij Thye, cum omnibus ad ipsum spectantibus, que hucusque pacifice, et quiete tenuit, et possedit, semper inantea,