328 CDXXVIII. Johannes, rex Bohemiœ, liberat cives Hradištenses a solvendo quovis pecuniali subsidio. Dt. Pragœ in vigilia Nativitatis B. M. V. 1331. Nos Johannes dei gratia Boemie et Polonie Rex ac Lucemburgensis Comes. Constare volumus vniuersis, Quod affectantes vtilitatibus et commodis ciuitatis nostre Redisch, que in finibus et metis Regni nostri est situata et quasi signum positum ad sagittam et per insultus vicinorum plus infestatur aliis intendere grasiose vtque ciuitas ipsa muro circumquaque circumdari valeat et inhabitatores eius continuis proficiant incrementis. Hanc eis graciam duximus faciendam, ita videlicet, quod ipsi Ciues vniuersi et singuli nobis presentibus, uel de Regno nostro absentibus ad nullum subsidium pecuniale nobis uel cuicunque alteri officia- torum nostrorum cuiuscunque status seu conditionis fuerit, persoluendum, durante liibertate ipsis per nos aliis nostris literis concessa, nullatenus sint astricti, ipsosque ab infestatione quoruncunque onerum dicto durante tempore dicimus et esse volumus liberos et exemptos. Mandantes et precipientes Capitaneo, camerariis ac aliis officialis nostris Boemie et Moravie presentibus et futuris quibuscunque, quatenus dictos ciues nostros et ciuitatem Redisch, vltra ea, que premissa sunt, non debeant uel presumant, in aliquo grauare, sed potius in hiis, que per nos eis concessa sunt, conseruent fauorabiliter. Sub harum nostrarum testimonio litterarum. Datum Prage anno domini M.OCCC. XXXI." in vigilia natiuitatis beate Marie virginis. (Ex orig. cum sigillo læso in archivo ejusdem civitatis copiavit Ant. Boczek.) CDXXIX. Johannes, rex Bohemia, statuit, ut cives Brunenses tantum in parata pecunia liberam habeant testandi facultatem. Datum Praga IV. Idus Septembris 1331. Nos Johannes dei gracia Boemie et Polonie rex ac Lucemburgensis Comes, ad vniuersorum noticiam volumus tenore presencium deuenire. Quod nos attendentes vtilitatem Ciuitatis nostre Brunnensis, et querelas litigancium, seu questiones oriencium ex causis diuersis sopire volentes, sicut decet, statuimus quod vniuersi et singuli in dicta nostra Ciui- tate testamenta in extremis facere cupientes, non in possessionibus, seu hereditatibus vel bonis quibuslibet, sed in parata dumtaxat pecunia, liberam testandi habeant facultatem, Et si aliqua dubitacio, siue questio, inter partes, ex verbis testatoris, seu factis oriatur, sive oriri quouis modo posset, extunc volumus, quod vnus ex Consulibus nostre Ciuitatis ibidem, qui pro tempore fuerit, parte ex vna, et alter discretus vir de parte litigancium parte ex altera eligantur, Qui dicti duo viri prouidi dubium seu questionem predictam declarare et diffinire, liberam nostra authoritate habeant facultatem contradiccione parcium, contra dictam declaracionem seu diffinicionem qualibet non obstante. Adicimus eciam, quod vniuersa et singula bona, per Religiosos in dicta Ciuitate empta, vel quocumque alio titulo comparata, vel acquisita, per eosdem, non obstantibus priuilegijs seu gracijs quibuslibet, onera, collectas, subsidia, et generaliter queque grauamina cum dicta nostra Ciuitate portent, contribuant, et sustentent in premissis omnibus, nunc et inantea, nostris iuribus semper saluis, Inhibentes