176 predictarum donacionum inquietare aliqualiter audeant vel presumant, Et in huius ratificacionis euidenciam presens scriptum nostro sub sigillo predicte ecclesie duximus condonandum. Da- tum anno domini MOCCCOXXIII°. Pridie Kal. Septembris. (Orig. membran. cum sigillo parvo ex parte læso in archivo ejusdem monasterii apud C. R. Gubern. Brunæ sub lit. A. VI. n. 199. Excussum apud Steinbach II. p. 56.) CCXXXVI. Johannes, Bohemiœ rex, confirmat Olomucensibus episcopis ac eorum ecclesia omnes libertates et gratias a prædecessoribus regibus concessas. Dt. Brunae II. Nonas Septembris 1323. Nos Johannes dei gracia Boemie et Polonie Rex, ac Lucemburgensis Comes Notum facimus vniuersis, tam presentibus, quam futuris. Quod considerantes attente fidei et dilec- cionis affectum, quem Venerabilis Conradus Olomucensis Episcopus, Princeps noster dilectus. ad Celsitudinem nostram gessit laudabiliter hactenus, et gerit laudabilius in presenti, ac proinde volentes sibi et propter ipsum Ecclesie sue Olomucensi condigne gratitudinis rependia exhibere, Episcopo et ecclesie prefatis omnes libertates, Immunitates, et gracias, ac Jura. quecumque Episcopo et dicte Ecclesie ac Capitulo Olomucensi per felicis memorie quondam Reges Boemie nostros predecessores, collata seu concessa, ex certa nostra sciencia ratifica- mus, approbamus, at eciam confirmamus, firmiter promittentes, ipsi Episcopo, et successoribus eius, Olomucensibus Episcopis, ac Ecclesie predicte huiusmodi libertates, immunitates, et gracias, ac Jura, nullo vmquam tempore infringere, sed pocius semper volumus dictum Episcopum et successores eius prefatos, ac Ecclesiam antedictam confouere, protegere, et conseruare fauorabiliter et inviolabiliter in eisdem, In cuius rei testimonium presentes literas exinde fieri, et sigillo nostro maiori iussimus communiri. Datum Brunne anno domini Mille- simo CCCOXXIII°. II. Nonas Septembris. (E codice privileg. episcopatus Olomuc. membran. sæc. XIV. initiantis in fol. minimo fol. VII. n. CXVIII. in archivo archiepiscopali Cremsirii copiavit Ant. Boczek.) CCXXXVII. Johannes, rex Bohemia, liberat bona civium Iglaviensium extra muros civitatis sita a solvenda berna. Dt. Bruna Nonis Septembris 1323. Nos Johannes dei gracia Boemie et Polonie Rex ac Lucemburgensis Comes, Notum facimus vniuersis, Quod nos attendentes fidei et dileccionis affectum, quem ciues nostri Iglauien- ses apud nostram hucusque gesserunt Celsitudinem, aduertentes eciam, quomodo et qualiter ipsi Ciues retroactis temporibus per quedam onera tempore generalis nostre collecte sunt aliqualiter agrauati, Ad peticionem igitur dictorum Ciuitatis nostre Ciuium hanc ipsis graciam duximus faciendam, Ita quod ipsi Ciues de omnibus bonis suis extra muros ipsius Ciuitatis sitis et iacentibus, que tamen in omni necessitatis articulo iuxta modum imposicionis predic- torum Ciuium ipsi Ciuitati dumtaxat exceptis deseruiunt, nullam in antea generalem Bernam dent, uel persoluant, specialiter quoque, de solucione duarum marcarum cum dimidia, quas