208 huiusmodi spirituale ius intelligimus et declaramus non esse aliud, quam ius patronatus, seu ius presentandi personas, si quod idem Rex in ecclesijs uel Capellis in villis aut bonis pre- dictis consistentibus ante uenditionem et concessionem huiusmodi obtinebat. Tenores autem earundem litterarum dictorum Regis et Regine tales sunt. Nos Johannes dei gracia Boemie et Polonie Rex etc. usque Datum Prage Sexto Nonas Octobris Anno domini Millesimo Tre- centesimo vicesimo tercio. (Vide n. CCXLIX. h. T.) Item nos Elisabeth dei gracia Boemie et Polonie Regina etc. usque Actum et Datum in Brunna Kalendis Junij, Anno domini Millesimo Trecentesimo vicesimo tercio. (Vide n. CCXXIX. h. T.) Nulli ergo omnino homi- num liceat, hanc paginam nostrarum confirmationis, ratificationis, approbationis, suppletionis et declarationis infringere, uel ei ausu temerario contraire. Si quis autem hoc attemptare presumpserit indignationem omnipotentis dei et beatorum Petri et Pauli Apostolorum eius se nouerit incursurum. Datum Auinione XV. Kalendas Decembris, Pontificatus nostri Anno Nono. Orig. membran. cum bulla plumbea in archivo ejusdem monasterii apud C. R. Gubern. Bruna- sub lit. B. n. 6. Alterum orig, cum eadem bulla plumbea in C. R. archivio aulico secreto Viennæ K. 259. CCLXIX. Johannes, papa XXII. incorporat monasterium Aula S. Mariœ in Antiqua Bruna per reginam Elisabetham fundatum ordini Cisterciensi. Dt. Avinione XV. Kalend. Decembris 1324. Johannes episcopus seruus seruorum dei, ad perpetuam rei memoriam . Solio apostolici culminis disponente domino presidentes dignis mouemur affectibus et motibus racionabilibus excitamur, ut pijs uotis quorumcumque fidelium illorum presertim que circa diuini cultus augmentum et pietatis opera intendentes sataguntur celestia pro terrenis ac- quirere, et commutare transitoria pro eternis, promptis affectibus anuamus. Sane carissima in Christo filia nostra Elizabet Regina Illustris relicta clare memorie Wenceslai Regis Boemie uidua, nostro apostolatui referente dedicimus, quod ipsa tamquam filia benedictionis et gratie, fulgore ueri luminis radiata, diem messionis extreme cupiens misericordie operibus preuenire, et ea seminare in terris, per que de benedictionibus eternam vitam merere ualeat in ex- celsis, ad ipsius cultus augmentum, et suorum remissionem peccaminum, quoddam Monasterium Monialium in antiqua Brunna Olomucensis diocesis, quod Aula sancte Marie uulgariter nuncupatur, ad laudem et gloriam omnipotentis dei, et eiusdem beate Marie virginis, matris eius honorem, loci diocesani et Carissimi in Christo filij nostri Johannis Regis Boemie Illustris ad id accedente consensu de nouo fundauit pariter et dotauit. Cum autem dicta Regina Monasterium ipsum, et personas in eo degentes, Cisterciensi ordini ascribi desi- deret, et eas secundum instituta et regulares obseruancias dicti ordinis uiuere et perpetuo gubernari, nobis humiliter supplicauit, ut Monasterium et personas huiusmodi incorporare eidem ordini auctoritate apostolica dignaremur. Nos igitur eiusdem Regine in hac parte propositum, piumque desiderium plurimum in domino commendantes, illudque eius suplica- cionibus inclinati, uolentes apostolici fauoris gratia fauorabiliter confouere, uolumus et apostolica auctoritate decernimus, quod dictum Monasterium et persone in ipso degentes,