232 CCXCIX. Conradus, episcopus Olomucensis confirmat a XVI. extraneis episcopis monasterio Aulæ S. Mariæ in Antiqua Bruna concessas indulgentias XL. dierum. Datum Brunæ VI. Idus Decembris 1325. (Orig. membran, cum XVII. sigillis in archivo ejusdem monasterii apud. C. R. Gubern. Brunæ sub. lit. C. n. 5.) CCC. Conventus monasterii Aula S. Mariœ in Antiqua Bruna obligat se Henrico de Lipa ad anniversarium perpetuum celebrandum. Datum in Aula S. Mariœ XV. Kal. Januarii 1326. Nos Katherina abbatissa, totusque Conuentus sanctimonialium Monasterij Aula Sancte Marie dicti, in suburbio Ciuitatis Brunne situati ordinis Cysterciensis, Olomucensis Dyocesis omnibus Christi fidelibus, tam presentibus, quam futuris, salutem in eo, qui est omnium vera salus. Licet ewangelice institucionis ex precepto omnibus quidem Christi fidelibus in karitate nos deuote poscentibus ad honesta et licita inclinari teneamur, hijs tamen precipue peram- plius et perfeccius obligamur, a quibus nos recepisse cognoscimus karitatis beneficia laciora, Cum igitur dominus Heinricus de Lipa, Capitaneus Morauie, Summus Regni Bohemie Mar- schalcus, noster quasi fundator, sincerum affectum, et piam deuocionem, quam ad Ordinem nostrum, et specialiter ad Conuentum et Monasterium nostrum, Aulam scilicet sancte Marie, in Antiqua Brunna, indicijs et effectibus satis euidentibus declarauerit, locum sue apud nos sepulture eligens, Monasterium nostrum manu bene libera et largiflua, prout in suis super eo confectis literis apparet expressius, respexerit consilijs et promocionibus attollendo, Nos deuocionem, et pietatis eius affectum, pie karitatis oculo intuentes, de consensu domini Fri- derici, Abbatis Zedlicensis nostri visitatoris, et conniuencia Capituli nostri, fraternitatem plenam ei tribuimus omnium bonorum spiritualium, que dominus per nos et successores nostras perpetuo fieri donauerit, ipsum participem faciendo, Insuper ad quedam alia spe- cialia beneficia, prout infra tangentur, Nos successores nostras, perpetuis temporibus obli- gamus, Primo videlicet, quod dies anniuersarius sui obitus singulis annis, cum vigilijs Nouem leccionum, Missa defunctorum sub nota, et pitancia Conuentui, cum vino piscibus et simulis et fertone denariorum, aut pane pro fertone estimato, dato pauperibus, dies quoque Trice- simus singulis mensibus in ebdomada, quam ordo ex euentu mortis sue dederit, non anti- cipando nec posterando, sed in ipsa ebdomada, aliquo die magis ad hoc vacante, cum vigilijs trium leccionum, Missa defunctorum, et pitancia Conuentui data, et aliqua distributa pauperibus elemosina peragantur, addimus eciam et in augmentum salutis anime sue, Nos et posteras nostras karitatiue in deo obligamur, quod perpetuis temporibus proxima die post Marci, vel alia sequente, que ad hoc vacare poterit, pro sua suorumque karorum, ac omnium generaliter quorum bonis et rebus vsus est, siue bene, siue male, quosve lesit debite vel indigne, et generaliter omnium quibus debitor est, animarum remedio et salute exequie cum vigilijs trium leccionum, Missa defunctorum et pitancia Conuentui et fertone, siue pane pro