230 CCXCVI. Johannes, præpositus Wyšehradensis, cedit monasterio Aulæ S. Maria in Antiqua Bruna capellam S. Procopii ibidem sitam. Datum Brunœ II. Kalend. Septembris 1325. Nos Johannes diuina miseracione Prepositus Wissegradensis ecclesie Pragensis diocesis, vniuersis quibus presentes exhibite fuerint publice recognoscimus et fatemur, Quod nos omnes fructus, Redditus, obuenciones et prouentus nostre Capelle sancti Procopij in Antiqua Brunna, Olomucensis diocesis ad tempora vite nostre quibus nos eandem habere et tenere continget, Religiosis et deodeuotis dominabus Christine Abbatisse, Katerine Priorisse, et Conuentui sanctimonialium Monasterij Aule sancte Marie in Antiqua Brunna, ordinis Cisterciensis, dicte Olomucensis diocesis eiusdem Monasterij nomine rite et racionabiliter concessimus et locauimus in omnem euentum pro Septuaginta Marcis grossorum Pragensium, Sexaginta quatuor pro marca qualibet computando, nobis annis singulis in festo sancti Martini per Abbatissam que pro tempore fuerit et Conuentum predicti Monasterij integraliter absque contradiccione et deduccione qualibet persoluendis Dantes eisdem potestatem liberam vtendi et fruendi quidquid poterit ex premissis prouenire Promittentes eciam et prestita fide, nomine et vice Juramenti firmantes ipsis Abbatisse et Conuentui nomine dicti Monasterij concessionem et locacionem huiusmodi nos gratam ratam et firmam habere et tenere nec eam vmquam infringere aut contrafacere vel venire nullamque obligacionem seu locacionem aliam vel contractum in ipsa Capella vel eius Redditibus fructibus et prouentibus quomodo- libet facere aut fecisse cuius pretextu dicta nostra concessio seu locacio posset infringi uel aliquatenus impediri et si forsitan quod absit dictam locacionem in posterum retractare vel contra eam aut eciam aliqua premissorum quomodolibet facere reperiremur, eo ipso priua- cionis penam dicte Capelle sancti Procopij, cui exnunc prout extunc nos sponte submittimus incidere volumus sic quod .. Abbatissa que pro tempore fuerit et Conuentus prefati Mo- nasterii Reuerendo in Christo patri domino .. Episcopo Olomucensi qui similiter pro tempore fuerit instituendum per eum alium in Rectorem ad eandem Capellam veluti vaccantem libere presentare valeant contradiccione nostra qualibet non obstante. In quorum omnium testimo- nium presentes litteras nostri appensione sigilli fieri fecimus communitas. Datum et actum in Brunna presentibus honorabilibus viris dominis Magistro Wolquino, Pragensis et Wisse- gradensis et Magistro Henrico ac Nicolao Olomucensis Ecclesiarum Canonicis necnon Stephano plebano in Vrbav et discretis viris Mauricio et Nicolao Ciuibus in Brunna Olomucensis diocesis et alijs pluribus presentibus fidedignis Anno domini Millesimo Trecentesimo vicesimo quinto, II° Kalendas Septembris. (Orig. membran. cum sigillo bene conservato in archivo ejusdem monasterij apud C. R. Gubern. Brunæ sub lit. G. n. 12.)