186 Domine Regine, super predictam vendicionem, alijs patentibus nostris litteris Maiestatis nostre Sigillis, quibus tunc vtebamur sigillatis, per nos eciam datis liberaliter et concessis. Verum cum predicta Domina Regina volens de supranotatis bonis dotare Monasterium Beatissime Virginis Marie situm ante Ciuitatem nostram Brunensem, in loco vbi dicitur, Antiqua Brunna, quod Aula Sancte Marie nuncupatur, quodque ad laudem Dei, et honorem genitricis eius predicte virginis gloriose de nouo fundauit, et cuius fundacionem ratam habemus, villam ipsam forensem Meneys, et prefatam terciam partem bonorum in Hustopecz, in Stirzowicz, et in Nostarowicz cum suis omnibus et singulis, vt premittitur pertinencijs, in quibuscumque consistant, necnon alias integras duas partes ibidem in Hustopecz cum vniuersis et singulis bonis, spectantibus ad easdem duas partes, prout ipsas duas partes tenuerunt fideles nostri Wilhelmus et Friczcho fratres de Egerberch, a quibus prefata domina Regina easdem duas partes, cum bonis huiusmodi, propria sua pecunia comparauit, et sicut in litteris inde confectis hoc plenius continetur, predicto Monasterio et Abbatisse, ac conuentui monialium que nunc sunt, et que pro tempore fuerint ibidem in dote et dotis nomine contulerit et donauerit imperpetuum Jure proprietario et hereditario possidenda. Petens a nobis vt principaliter propter Deum, et ob Reuerenciam Matris eius predicte, cuius est dictum Monasterium vocabulo insi- gnitum, collacionem, et donacionem predictas, ratificare, approbare, et confirmare de Regalis nostre celsitudinis clemencia dignaremur. Nos qui profusam erga nos superne dexteram largitatis ex mullis perceptis beneficiis agnoscimus, et specialem ad dictam virginem gloriosam redemptoris nostri genitricem habemus reuerenciam, spem, et fidem, libenter loca quelibet in honore beate et gloriose virginis predictæ fundata, vbi possumus, promouemus, et specialibus gracijs, ac condignis fauoribus ampliamus, ipsius Domine Regine in hac parte peticione ad graciam exaudicionis fauorabiliter admissa, predictas omnium bonorum predictorum collacionem et do- nacionem ratificamus, approbamus, et ex certa sciencia ac speciali gracia confirmamus, et ratificacionis, approbacionis, et confirmacionis nostrarum Robore communimus. Et vt ad hoc maioris cautele et firmitatis perpetuitas accedat, Nos eciam omne ius, si quod nobis, Here- dibus, vel Successoribus nostris in predictis bonis, et suis pertinentiis antedictis, ad presens competit, vel posset quomodolibet competere in futurum, prefatis Monasterio, Abbatisse et Conuentui liberaliter conferimus et donamus. Volentes vt Monasterium predictum et Abbatissa et Conuentus ipsius Monasterij vniuersa et singula bona predicta, tanquam Sua in perpetuum habeant, teneant, et possideant libere, pacifice, et quiete, cum omni Jure, Jurisdiccione, pro- uentibus, vtilitatibus, et alijs omnibus et singulis pertinenciis supradictis, ita quod Judices bonorum ipsorum qui per Abbatissam et Conuentum predictas, ibidem locati fuerint, in bonis eisdem secundum quod eis concessum et consuetum est actenus, in causa qualibet iudicandi, plenam, et liberam habeant potestatem. Ceterum quia ex animo cupimus, vt status ipsius Mo- nasterij, de bono semper in melius augeatur, et vt Abbatissa ac Conuentus predicti diuinis obsequijs eo possint vacare liberius, eoque pro salute et prosperitate nostra continua, necnon et Progenitorum ac Predecessorum nostrorum animarum remedio, deum deuotis oracionibus exorare, quo eis liberalius quietis commoda procuramus, vtque eciam nostre liberalitatis muni- ficenciam in se senciant ampliorem, ipsis Abbatisse et Conuentui Monasterij memorati de gracia