116 suorum, que postea in ipsis nostris recepit et pertulit seruicijs, Octoaginta Marcas predictorum denariorum et ponderis, que in vniuerso Ducentas Marcas eorundem denariorum et ponderis faciunt, easdem Municionem et villas nomine pignoris obligamus, per ipsum Vlricum cum siluis ex ea parte litoris fluminis Pobrawe, vbi Municio et ville predicte consistunt, sitis, ac alijs suis pertinencijs vniuersis, tam ad Municionem quam ad villas predictas pertinentibus habendas, tenendas, et possidendas, quo ad dicta Summa pecunie videlicet Ducente Marce denariorum et pagamenti supradictorum prefato Vlrico, aut eo non exstante heredibus suis fuerint persolute, Quibus ei vel heredibus suis solutis Municio et ville predicte ad nos libere et sine contradiccione qualibet reuertentur, Sique eciam Vlricum ipsum pro emendacione et melioracione ipsius Municionis nostre Omicz aliquid inpendere contigerit, illud per nos sibi vel heredibus suis refundemus, vel per alium, per quem Municio ipsa de nostro man- dato exsolueretur ab ipsis solui et refundi integraliter volumus et iubemus, In cuius rei testimonium presentes literas fieri et Sigillis Magestatis nostre iussimus communiri. Datum Prage VI° Idus Januarij. Anno domini Millesimo CCCmo Nonodecimo, Regnorum vero no- strorum anno octauo. (Orig. membran, cum sigillo majori bilaterali rupto in archivo monasterii „Aula S. Mariæ“ apud C. R. Gubern. Bruna sub lit. R. n. 2.) CXLVI. Johannes, papa XXII. dispensat Johannem de Bruna, canonicum Pragensem super defectu natalium et retentione canonicatuum Pragensis, Olomucensis et Wyšehradensis ecclesiarum ac capellæ S. Procopii in Antiqua Bruna. Dt. Avinione VIII. Kalend. Februarii 1319. Johannes Episcopus Servus Servorum Dei Dilecto Filio Johanni de Brienna Ca- nonico Pragensi Salutem et Apostolicam Benedictionem. Mira regis eterni benignitas honore multiplici sponsam suam sanctam Romanam ecclesiam insignivit. Set potissime illam hono- rabilem et felici statu fulgentem, quod eidem in clavium collacione celestium illam tribuit plenitudinem potestatis, ut non solum personis humilibus set quantacumque generis sublimitate conspicuis, in hiis adesse possit magnifice, per que ipse clari nominis titulum et famose prosequantur bonitatis proprie incrementum. Sane contemplari merita pure devotionis et fidei quibus inclite recordationis Reges Boemie, et quibus tuum sumpsisti ortum natalium inter Catholicos mundi principes claruerunt, nobis et ecclesie prodeunt spiritualium delicias gau- diorum. Inde fit quod fervens in mente nostra consurgit affectio ut circa te tamquam filium predilectum pro tuorum excellentia meritorum sit apostolice sedis, habundet gratia penes devotos ipsius multipliciter affluere consueta, quod auctore Deo tibi exinde salutis augmentum proveniat et volive materia prosperitatis accrescat. Petitionis siquidem nobis exhibite pro parte tua series continebat, quod olim tecum super defectum natalium quem pateris de coniugato genitus et conjugata quod eodem non obstante defectu posses ad omnes ordines promoveri, et ecclesiasticum beneficium obtinere etiamsi curam animarum haberet, fuit auctoritate apostolica dispensatum. Postmodum vero in Pragensi et Olomucensi ac Wissegradensi, Pragensis Dioc. ecclesiis Canonicatus et prebendas ac Capellam Sancti Procopii in antiqua