253 Ludovici Brandenburgensis Senioris, existerent, quodque eadem Margaretha prefato Duci Austrie et suis fratribus comitatum Tyrolis, terras penes flumen Athesin et districtum seu Vallem, que Innthal dicitur, et Montana ibidem cum omnibus hominibus, dignitatibus, honoribus, juribus, et redditibus, rite et rationabiliter donaverit et assignaverit et etiam per manus Principum et Dominorum, a quibus alique munitiones et Districtus Comitatus Tyrolis predicti in feudum dependent, eis firmaverit et stabiliverit supradicta, sicut idem Dux nobis ibidem super his omnibus privilegia, et literas ostendebat: Wir Margaret etc. supplicans Majestati nostre etc. quatenus suis fratribus et heredibus eorum donationem, assignationem, stabilimentum, et conditiones alias, que expressantur superius, confirmare et quidquid in eodem Comitatu Tyrolensium ab Imperio dependet, sive sint homines, muni- tiones, bona, judicia, thelonea, pedagia, Monete, advocacie, seu alie utilitates et jura, quibus etiam appellentur nominibus aut ubicunque locorum sita noscantur, conferre gra- tiosius dignaremur, presertim, cum prefata Margaretha nobis antedicta, sicut distinguuntur superius, cum suis patentibus literis duxerit resignanda. Quapropter Principes et Vasallos Sacri Imperii, quorum multitudo copiosa ibidem aderat, interrogandos duximus, utrum hoc exigente justitia facere deberemus? quorum omnium unanimis dictavit sententia, quod nos hoc ad ipsorum jura facere deberemus, salvis nostris et sacri Imperii juribus. Ideoque animo deliberato, de certa scientia, et imperiali potestate confirmavimus et roboravimus donationem, assignationem et stabilimentum predictos et etiam prefato Duci Rudolpho ad manus suas et fratrum suorum et heredum communium recipienti cum solennitatibus, cere- moniis, observantiis, verbis, operibus, et ritibus, circa talia jure vel consuetudine observari consuetis, rite contulimus, et eciam virtute presencium eis scienter conferimus, omnes munitiones, terras, thelonea, pedagia, advocatias, monetas, judicia, jura, liberates, utilitates, et redditus, quibus etiam appellentur nominibus, in Comitatu predicto Tyrolis, in terris prope flumen Athesin, in districtu seu valle, que Innthal dicitur, et in montanis aliis ibidem, que a sacro Romano Imperio in feudum dependent, et predictum Ducem Rudolphum suo ac predictorum fratrum suorum et heredum ipsorum loco et nomine, sicut moris et approbate consuetudinis fore dignoscitur, imperiali sceptro nostro investivimus, sub illis modis, et intentionibus, prout in prefata sententia noscitur contineri . Quapropter sub obtentu imperialis favoris nostri mandavimus omnibus Principibus Ecclesiasticis et secu- laribus, Prelatis, Comitibus, Liberis, Ministerialibus, militibus, Clientibus, Officiatis, Vasallis, civibus, terrigenis, et incolis, et generaliter omnibus aliis hominibus, Clericis et Laicis, cujuscunque status existant, quibuscunque appellentur nominibus, aut ubicunque habeant mansionem, qui ad prefatum Comitatum Tyrolensem et ejus dominium quovis respectu per- tinere dignoscuntur, quod ipsi prefato Duci Rudolpho, suis fratribus et eorum heredibus ammodo in perpetuum obedire debeant et ad eos, quoad ipsorum jura, habere respectum, cum omnibus dignitatibus, juribus, honoribus, utilitatibus et servitiis et ipsis, quoad pre- dicta ipsorum jura, homagium et juramenta fidelitatis et veritatis prestent et faciant sine dolo . Signum Serenissimi Principis Domini Domini Caroli quarti Romanorum Imperatoris invictissimi et gloriosissimi Bohemie regis . Testes hujus rei sunt illustris Rudolphus Dux