319 auditori factam, quicquid vellet, certum et perhemptorium terminum assignauit, ipsius com- missionis copiam decernendo . In quo quidem termino per dictum magistrum Conradum procuratorem procuratorio nomine, quo supra, coram ipso domino Hugone auditore iudi- cialiter comparentem nonnullis generalibus excepcionibus contra dictam commissionem uer- botenus factis et datis, ut moris est, prefatus dominus Hugo auditor instante dicto Woyslao principali eidem magistro Conrado ac eciam ipsi Woyslao ad resumendum et resumi videndum causas predictas in statu, in quo vltimo coram dicto domino Poncio Barreiere auditore remanserant, uel causam racionabilem allegandum, quare non deberet resumi, certum duxit perhemptorium assignandum . In quo per dictum Woyslaum principalem prin- cipaliter pro se ipso citra tamen procuratorum suorum reuocacionem coram dicto domino Hugone auditore in iudicio comparentem dicti magistri Conradi ex aduerso procuratoris non comparentis nec dicto termino satisfacientis contumacia accusata, ipse idem Woyslaus causam seu causas predictas in statu predicto, quantum in eo erat, resumens ipsas secum resumi per dictum dominum Hugonem auditorem humiliter postulauit . Dictus vero dominus Hugo auditor dictum Conradum non comparentem, licet debite expectatum, reputans quo ad actum huiusmodi contumacem, in eius contumaciam dictas causas vna cum dicto Woyslao principali, ut premittitur, resumente in statu predicto resumpsit et habuit pro resumptis . Postmodum quoque memoratus dominus noster papa ad supplicacionem dicti Woyslai prin- cipalis dicto domino Hugoni Fabri auditori commisit et concessit potestatem citandi extra Romanam Curiam et in partibus dictas . . Abbatissam et Conuentum Monasterii Aule sancte Marie in antiqua bruna principales tociens, quociens opus esset, non obstante, quod causa seu cause huiusmodi non essent ad Romanum Curiam legitime deuolute nec in ea trac- tande et finiende . Cum, prout idem Woyslaus expressit, procurator substitutus in partibus pro dictis . . Abbalissa et Conuentu in Romana Curia presens repertus fuisset et ad causam citatus recusasset et recusaret onus procuratoris in pelitorio iudicio in dicta Romana Curia recipere seu assumere, sepedictus autem dominus Hugo auditor vigore commissionis eiusdem ad antedicti magistri Bernardi de Bugueto procuratorio nomine, quo supra, coram ipso comparentis instanciam prelibatas dominas .. Abbatissam, Moniales et Conuentum Monasterii Aule sancte Marie in antiqua brune ex aduerso principales per suas patentes literas suo sigillo impendenti munitas ad partes citauit et citari mandauit et fecit, ut certa et competenti dei eis in dictis literis assignata perhemptoria per se uel eorum procuratores legitimos ad causam seu causas predictas legitime constitutos cum omnibus actis, literis, scripturis et instrumentis et quibuscunque aliis munimentis causam seu causas huiusmodi concernentibus seu facientibus quomodolibet ad easdem coram dicto domino Hugone uel alio auditore forsan loco sui in tercium subrogando legitime comparerent, prefato Woyslao principali seu eius procuratori super predictis omnibus de iusticia responsure et alias in causa et causis huiusmodi debite processure et procedi visure eciam usque ad diffinitiuam sentenciam inclusiue ac facture, dicture et recepture, quod iuris ordo diclaret, certificando nichilominus easdem dominas .. Abbatissam, Moniales et Conuentus, quod, siue in dicto citacionis termino comparerent, siue non, ipse dominus Hugo uel alius sibi forsitan in