325 fratrem aut senioris fratris filium et heredem maneat perpetuis temporibus affuturis . Hoc eciam adicientes, quod prefati filii nostri Johannes, qui Sobeziaus dicitur, et Procopius nec non heredes et successores ipsorum legittimi Castra, Municiones, fortalicia, Ciuitates, Opida, Villas et pertinencias, quibus ipsis de corpore et fundo Marchionatus nostri predicti Jure testamenti rite prouidimus, ut premittitur, a Marchionibus Morauie, dominis eorum, qui pro tempore fuerint, in feodum insigne et illustre, tocies, quocies casus Vacacionis emerserit aut morte poscente nouum Marchionem esse contigerit, suscipere debeant, contradiccione remota, sub omnibus cerimoniis, condicionibus et clausulis, ut perfertur. Ipsi quoque Mar- chiones Morauie, qui pro tempore fuerint prefatas infeodaciones dictorum fratrum suorum cum omnibus, que ab ipsis dependent, sicut expressatur superius, a Serenissimo Principe Domino, Wenczeslao, Boemie Rege, domino et patruo nostro Carissimo, heredibus et suc- cessoribus suis, Boemie Regibus, dominis nostris, in retrofeodum suscipere teneantur, reser- uata nihilominus nobis, quamdiu vixerimus, predicta omnia et singula in toto uel in parte, prout deliberacio nostra poposcerit, augendi, minuendi, alienandi, tollendi, annichilandi, declarandi, immutandi et supplendi plenissima potestate. Sique in bona mentis et corporis sanitate manentes, non detenti, captiuati, vi, metu aut violencia compulsi, predicta non reuocauerimus aut de ipsis alio modo disposuerimus in vita nostra, extunc post obitum nostrum in pleno robore maneant, et sub omnibus condicionibus antedictis de verbo ad verbum, prout sunt expressata superius, in sui firmitate perpetue perseuerent; reseruata eciam nobis potestate libera, de Castris, Municionibus, Ciuitatibus, Opidis, Villis, bonis, predijs et alijs quibuscumque possessionibus, que et quas a Baronibus seu personis alijs comparasse dinoscimur, que de mensa et de camera Marchionatus nostri non fuerunt hactenus, disponendi, testandi, et faciendi pro nostre voluntatis beneplacito iuxta priuilegia prefati domini Karoli domini et fratris nostri Carissimi, que nobis desuper erogauit . Suppli- camus eciam prefato Serenissimo ac Inuictissimo Principi et domino, domino Karolo Quarto Romanorum Imperatori semper Augusto et Boemie Regi Illustri, Domino et fratri nostro Carissimo, sibique tamquam Boemie Regi, vero, legittimo, naturali et hereditario domino nostro preces nostras cum omni Reuerencia et humilitate porrigimus, Quatenus de gracia sua dignetur aduertere qualiter testamentaria huiusmodi nostra ordinacio omnem dissensionem omnesque scandali et disceptacionum materias inter Carissimos filios nostros proculdubio valebit auferre et qualiter predicta omnia, que tamquam Juri consona paci proficiant pariter et quieti iusta racione et digne poteramus et possumus facere, Eaque in omnibus suis sentencijs punctis et clausulis rite approbet, ratificet et confirmet, defectusque verborum, sentenciarum, Juris et facti auctoritate Regia Boemie suppleat cum adieccione penarum derogacionum et alijs clausulis oportunis. In cuius rei testimonium presentes literas fieri et nostri Sigilli iussimus appensione muniri. Datum Prage Anno domini Millesimo Trecente- simo Sexagesimosexto, feria tercia proxima post dominicam Judica. (Aus der Bestätigungsurkunde K. Karl IV. vid. n. 423.)