104 129. K. Karl IV. bestätigt der Stadt Iglau eine Urkunde K. Wenzels. Dt. Prag 27. Mai 1359. In nomine sancte et individue trinitatis feliciter Amen. Karolus Quartus diuina fauente clemencia Romanorum Imperator semper Augustus Et Boemie Rex ad perpetuam rei memoriam . Tantum nostre Celsitudinis sceptrum extollitur amplius ac ipsius status solidatur solidius, quantum fidelium deuotorum vota benigno fauore prosequitur et ad ipso- rum Jura et libertates seruandas et comoditates augendas generosa protectio principis inuenitur . Sane constitutus in nostre Maiestatis presencia Illustris Johannes Marchio Mo- rauie princeps et frater noster carissimus nobis humiliter supplicauit, quatenus fidelibus nostris dilectis Judici, Juratis ac vniuersitati Ciuium Yglauie quedam priuilegia et literas, que et quas a clare memorie Illustri Wenceslao quondam Rege Boemie progenitore et predecessore nostro optinuisse noscuntur, de speciali nostra gracia et auctoritate Regia Boemie approbare, ratificare et confirmare generosius dignaremur, quarum tenor per omnia sequitur in hec verba : In nomine domini amen. Nos Wenceslaus etc. presentem paginam sigilli nostri munimine fecimus roborari : Nos Przimisil dei gracia Marchio Morauie etc. (vid. T. III. p. 117 sqq. hujus Cod. diplom.) Nos igitur, qui vota quorumlibet iusta petencium generose complectimur, ad instanciam predicti Marchionis fratris nostri supra- dicta priuilegia in omnibus suis tenoribus, sentenciis, punctis et clausulis de verbo ad verbum, prout exprimitur superius, de speciali nostra gracia ex certa nostra sciencia et auctoritate nostra Regia Boemie approbamus, ratificamus ac tenore presencium confirma- mus . Nulli ergo omnino hominum liceat hanc nostre approbacionis, ratificacionis, inno- uacionis et confirmacionis graciam infringere seu ei quouis ausu temerario quomodolibet contraire Sub pena grauis nostre indignacionis necnon Quinquaginta marcarum auri puri, quas ab eo, qui contrauenire presumpserit tocies, quocies contrafactum fuerit, irremissibiliter exigi volumus et earum medietatem Camere nostre Regalis, residuam vero partem dictorum Cinium Yglauiensium inuiriam passorum vsibus applicari . Signum serenissimi principis et domini domini Karoli Quarti Romanorum Imperatoris Inuictissimi et gloriosissimi Boemie Regis . Testes huius rei sunt Venerabilis Arnestus Archiepiscopus Pragensis, Johannes Luthomuslensis Imperialis Aule nostre Cancellarius, Johannes Olomucensis, Marquardus Augustensis, Theodricus Mindensis et Maurus Corbauiensis Ecclesiarum Episcopi, Illustres Rudolfus Saxonie dux sacri Romani Imperii Archimarescallus, Johannes Morauie, Fridericus et Wilhelmus Mysnensis Marchiones, Bolko Falkenbergensis, Bolko Opuliensis, Johannes Opauie et Przimilaus Teschinensis Duces, Spectabiles Burghardus Imperialis Curie nostre Magister, Johannes et Burglinus Magdeburgenses et Fridericus Nurembergensis Burggrauii, Vlricus et Johannes Lutembergenses Lantgrauii et alii quam plures nostri et Imperii sacri fideles . Presencium sub Imperialis nostre Maiestatis sigillo testimonio literarum. Datum Prage Anno domini Millesimo Trecentesimo Quinquagesimo nono Indiccione duodecima VI kalendas Mensis Junii Regnorum nostrorum Anno tercio decimo Imperii vero Quinto. (Orig. Perg. h. Oig. abger. im Igl. Stadtarchive.)