285 Rywlis, fluminibus, piscinis, piscacionibus, Molendinis, vniuersisque et singulis ipsorum Juribus et pertinenciis, quibuscunque censeantur nominibus, que feodum nostri Marchionatus existunt et que ipsi Stephanus et Vitko nobis ut feodi domino primitus exhibuerunt ad emendum, vendere ipsique Franconi, Wenczeslao suo fratrueli et eorum legittimis heredibus vt Jus veri feodi requirit, bona predicta emere generosius admittere dignaremur . Nos ipsorum annuentes peticionibus ad premissum vendicionis et empcionis contractum dantes nostrum assensum beniuolum, resignacione ipsius feodi facta per dictos Stephanum et Wit- konem in nostris manibus et per nos recepta resignacione huiusmodi ipsum Franconem pro se, Wenczelao et eorum heredibus, ut premittitur, dictum feodum et bona feodi pre- dicta suscipientem de bonis et feodo predictis per tradicionem Mantelli et osculum inuesti- uimus solempniter et presentibus inuestimus, per eundem Franconem, Wenczeslaum et heredes ipsorum ut prefertur eadem bona tytulo vere empcionis comparata per ipsum habenda, tenenda, vtifruende, obliganda, vendenda, permutanda, resignanda eo Jure, quo ipse tenebit et perpetuis temporibus Jure et tytulo veri et iusti feodi, prout sui predeces- sores eadem tenuerunt pacifice, obtinenda . Ad ulterioris quoque gracie augmentum et ad instantem supplicacionem predicti Franconis, qui gratis et fidelibus suis obsequiis nobis crebra sollicitudine complacuit, sibi virtule presencium admissimus et admittimus generose, ut ipse Nobili Adlhedi de Holensteyn, Consorti sue legittime, Quinquaginta marcas gros- sorum denariorum Pragensium Morauici ponderis, Census annui in Quingentis marcis eorumdem grossorum super tota villa Kunouicz et Municione ibidem quam ipse Franco relinquendam duxerit, pro dotalicio ipsius Adlhedis siue dote propter nupcias valeat assig- nare, sicut et tunc in nostri presencia de certa nostra sciencia et beneplacito ipsam dotem sue Consorti predicte in bonis et super bonis huiusmodi assignauit . Quodquidem dota- licium ipsa domina non secundum Jus feodi, sed prout Jus et conswetudo terre Morauie requirit, tenebitur obtinere, eo videlicet, quod bona eadem feodum nostri Marchionatus fore noscuntur, aut quocunque Jure, lege siue conswetudine, que presentibus forent con- traria, non obstantibus, quibus omnibus per nostram admissionem huiusmodi, que de libertate nostra et ex certa nostra sciencia hac in presencia nonnullorum Nobilium et nostrorum feodalium processisse noscuntur, virtute presencium derogamus, promittentes pro nobis, nostris heredibus et Successoribus Marchionibus Morauie, ipsum Franconem, Wenczeslaum et heredes ipsorum, ut premittitur, in concessione et susceptione feodi predicti, Ipsamque Adlheydem Consortem suam in dotalicio seu dote predictis nullis vnquam impedire tem- poribus, ymmo ipsorum in premissis omnibus et singulis, prout superius notata noscuntur, volumus et promittimus generosius conseruare . Harum quibus sigillum nostrum appendi fecimus serie testimonio literarum. Datum Brunne anno domini Millesimo Trecentesimo Sexagesimo quarto Sabbato post diem sancti Martini proximo. Per dominum Marchionem Buzko. (Orig. Perg. h. Sig. in der Boč. Slg. n. 8858 im Landesarchive.)