213 289. Všebor von Náměšt verkauft einen Lahn in Viškovic. Dt. 30. September 1362. Ego Wscheborius de Namyescht notum facio vniuersis, quod animo deliberato et bona voluntate coheredumque et amicorum meorum consensu et consilio accedentibus, iusto pignoris et hypothece titulo obligaui et presentibus legitime obligatum trado et resigno discreto viro Joanni de Grunezka ciui Olomucensi et suis heredibus unum laneum meum in villa Wiscowicz pro viginti marcis grossorum denariorum Pragensium Morauici numeri et pagamenti habendum, tenendum, utendum, fruendum et possidendum cum vniuersis et singulis suis iuribus, utilitatibus, censibus, steuris generalibus et specialibus, emendis maio- ribus et minoribus, robotis, honoribus et pertinenciis plenoque dominio in villa et campis, quibus eundem laneum actenus tenui et possedi. Nos quoque Wscheborius predictus, Friduschius de Drahotusch et Milota de Namyescht promittimus in solidum bona nostra fide et sine dolo quolibet, si videlicet dicta obligacio hinc a data presencium infra trien- nium proximum et continuum viginti marcis capitalibus predictis perceptis metis, temporibus, usibus sortem non relevantibus adempta sui exsoluta non fuerit, quod extunc satim dictus laneus cum suis ut prefertur iuribus et pertinenciis ad dictos obligatores libere perpetue et hereditarie devolvatur. Quem quidem laneum post tactam eiusmodi deuolucionem memo- ratis obligatoribus ab impedicionibus, litibus et controuersiis cuiuslibet hominis et uniuersi- tatis disbrigare et libertare nec non cum primum deinceps registrum prouincie in proximo dominorum seu procerum terre Morauie parlamento uel colloquio generali placuerit intitu- lare et sufficienter cauere secundum commune ius terre Morauie spondemus nostris propriis laboribus . Que aut quorum alterum in solidum, si quandoque emerserint, non fecerimus, extunc statim qui nostrum cum a dictis obligatoriis seu creditoribus nostris monebuntur, quiuis cum vno famulo et duobus equis obstagium verum et solitum in ciuitate Olomucz et domo honesta eis per eosdem deputata intemerate pacientur non exituri de eodem obstagio aliqua iuris vel consuetudinis causa proposita, donec sepe dictis obligatoriis laneus predictus cum ut premittitur iuribus et pertinenciis ab impeticionibus disbrigatus seu registro intitula- tus vel sufficienter ut preexpressum est per nos cautus fuerit, ut se bene quietos, contentos . . . . tant et attendant nullo nobis cedendarum divisionum, accionum, excepcionum et cuiuslibet iuris canonici et civilis beneficio seu facti auxilio contra premissa aut alterum insolidum premissorum quomodolibet profuturo . Sub harum quas nostris in testimonium validius strenuorum Galli de Tyrmaczaw, Lutholdi de Pawlowicz, Dyetochii de Drahanowicz et Raczkonis de Dolan testium instanter ad premissa rogatorum sigillis dedimus robore literarum die sancti Jeronimi confessoris anno domini millesimo trecentisimo sexagesimo secundo. (Einfache Kopie ohne jede nähere Angabe in der Boč. Slg. Nr. 11.099 im Landesarchive.)