335 Meinhardo non preiudicabit. Insuper Nos Henricus, Jodocus, Petrus, Vlricus et Johannes prefati promillimus sincera fide, prescriptum Dominum Meinhardum in persona sua et Bonis suis ad tempora vite sue contra omnem viuentem protegere et in omnibus tamquam nostras personas bonaque nostra defensare. In quorum Testimonium et Robur firme valiturum Sigilla nostra presentibus duximus apendenda. Datum in Bukausk Anno Domini Millesimo Trecentesimo Sexagesimo sexto, nona die Mensis Aprilis. (Orig. 5 h. Sig. im gräfl. Černin’schen Archive in Neuhaus.) 425. Johann, Markgraf von Mähren, verspricht, keinen Vasallen der Krone Böhmens zu unter- stützen und Ansprüche auf das Königreich Böhmen nur dann zu erheben, wenn die Nachkommen K. Karl IV. ohne männliche Erben sterben würden. Dt. Prag 14. April 1366. Nos Johannes dei gracia Marchio Morauie, Notumfacimus tenore presencium Vni- uersis, Quod licet alias Serenissimus ac Inuictissimus Princeps et dominus, dominus Karolus Quartus diuina fauente Clemencia Romanorum Imperator semper Augustus et Boemie Rex Illustris, dominus noster graciosus, tamquam Boemie Rex nobis heredibus et Successoribus nostris legittimis Marchionibus Morauie sexus masculini insignem et Illustrem Principatum Marchionatum Morauie cum attinenciis et pertinenciis eiusdem, Principatibus Venerabilis Olomucensis Ecclesie et Illustris Opauie ducatus dumtaxat exceptis, preter Bernam Regiam generabilem in bonis Episcopalibus dicte Olomucensis Ecclesie, que ad nos, heredes et successores nostros Marchiones Morauie pertinet, prout in aliis litteris desuper editis plenius est expressum, in feudum Illustre et insigne concesserit, Nosque dictum Marchionatum cum suis pertinenciis, ut prefertur, a prefato domino nostro Imperatore, ut a rege Boemie, in feudum susceperimus et fidelitatis Homagii, subieccionis et obediencie, sicut in suscepcione feodorum consuetum est fieri, Sibi ut Regi Boemie prestiterimus corporalia Juramenta, sicut eciam nostri heredes et successores legittimi, Marchiones Morauie masculini Sexus, eundem Marchionatum cum attinenciis eiusdem ab ipso, vt a Rege Boemie, heredibus et successoribus suis, Regibus Boemie, et a Corona Regni eiusdem in feudum recipere tenebimur et habere, Ea tamen condicione notanter adiecta, quod idem Marchionatus cum pertinenciis suis in eum causum, vbi nos heredes et successores nostri legittimi Marchiones Morauie sexus masculini sine heredibus legittimis masculini sexus decederemus, ad ipsum, ut ad Regem Boemie, heredes et successores suos Reges Boemie, et ad Coronam eiusdem Regni inmediate deuoluatur, Sicut premissa omnia in aliis litteris desuper confectis plenius sunt expressa, Nos tamen ex fidelitate et dileccione debitis, commoditatibus dicti domini Imperatoris heredum et successorum suorum predictorum prouidere cupientes, sibi bona fide absque omni dolo et sub Juramento, quod desuper viua voce ad sancta dei Ewangelia corporaliter prestitisse dinos- cimur, pro nobis nostrisque heredibus et successoribus, Marchionibus Morauie, promisimus, quod