336 homines ipsorum feudatarios, vasallos et alios quoslibet subiectos, Barones, Nobiles et ignobiles Ecclesiasticos et seculares contra ipsorum voluntatem et in preiudicium ipsorum in bonis, que in Regno Boemie obtinent, nunquam defendemus, protegemus, proloquemur, manutene- bimus, nec ipsos tuebimur in futurum, Sicut eciam ipse heredes et successores sui predicti contra nostram heredum et successorum nostrorum Marchionum Morauie voluntatem et in nostrum preiudicium nostros homines feudatorios, vasallos et alios quoslibet subiectos, Barones, Nobiles et ignobiles, Ecclesiasticos et Seculares, qui in Marchionatu Morauie bona obtinent et in eisdem bonis defendere manutenere, protegere, proloqui aut tueri ali- qualiter non debebunt . Notanter eciam pro nobis, dictis nostris heredibus et successoribus, Morauie Marchionibus, Sibi heredibus et successoribus suis Boemie Regibus animo deli- berato et de certa nostra sciencia bona fide, sine omni dolo promisimus, et super eo Baronum et fidelium nostrorum communicato consilio sano et maturo promittimus per hec scripta, Quod nos et dicti nostri heredes et successores, Marchiones Morauie, prefatum Regnum Boemie, attinencias et pertinencias eiusdem singulas a dicto domino nostro, here- dibus et successoribus suis predictis, Jure ecclesiastico uel ciuili aut facto tacite uel expresse. per nos, alium seu alios aliqua occasione racione uel causa, directe vel indirecte, quouis exquisito ingenio uel colore nunquam imperpetuum in toto aut in parte aufferemus nec aufferri, quantum in nobis est, sine omni dolo quomodolibet permittemus, nec ipsum Regnum Boemie cum suis pertinencijs nobis vendicabimus, applicabimus aut dictum Regnum Boemie aliqualiter impetemus, nisi in eum casum, vbi dictum dominum nostrum Imperatorem, heredes et Successores suos prefatos absque heredibus legittimis masculini Sexus decedere contingeret, quia tunc dictum Regnum Boemie cum suis attinenciis ad nos, heredes et Successores nostros, Marchiones Morauie, esset deuolutum, Et nos heredes et successores nostri prefatum Marchionatum cum attinenciis et pertinenciis suis ab dicto domino nostro Imperatore, ut a Rege Boemie, heredibus et successoribus suis, Regibus Boemie, et a Corona Regni predicti in feudum Illustre et insigne recipere et omni tempore tenere debe- bimus, prout in aliis litteris desuper traditis plenius est expressum, Quas litteras in omnibus suis clausulis, sentenciis, tenoribus et punctis, sicut scripte sunt, in suo robore per omnia volumus remanere . Et ad omnia et singula predicta et eorum quodlibet, prout expressantur superius, obseruanda nos bona fide absque omni dolo et in virtute corporalis Juramenti predicti de certa nostra sciencia obligamus . Presencium sub appenso Maiori nostro Sigillo testimonio litterarum . Datum Prage Anno domini Millesimo Trecentesimo Sexagesimo Sexto in die sanctorum Tyburcij et Valeriani Martyrum. (Orig. im k. k. geh. Archive. Vidim. Kopie im mähr. Landesarchive sub n. 116 inter Privilegia. — Abgedr. bei Goldast p. 319.)