— 315 — basso, in oppido Namisloviensi, Wratislaviensis diocesis, anno et die subscriptis in hunc modum duximus amicabiliter concordandum, quod sincera fide sub praestito iuramento et sine omni dolo promittimus supradicto Romanorum et Boemiae regi, fratri nostro, perpetuam dilectionem et fraternam amici- tiam cunctis inantea futuris temporibus inviolabiliter ob- servare, sic quod ipse versa vice nobis sub iuramento simili ad observationem earundem dilectionis et amicitiae teneatur, prout in antiquis litteris nostrae concordiae inter eum et nos aliquotiens celebratae plenius continetur. Et supradictis unioni et amicitiae illustrem principem d. Bolkonem, ducem Swydnicensem, nepotem nostrum dilectum, cessante omni dissensionis materia, si qua inter praedictum regem et eundem ducem, nepotem nostrum, hactenus est ha- bita, duximus includendum, si super hiis per supradictum ducem Bolconem in iuridicam discussionem illustris et magni- fici principis, d. Alberti, Austriae, Styriae et Carinthiae ducis consensum fuerit infra triduum a die crastina continuo com- putandum. Specialiter etiam promittimus et spondemrs, quod medio tempore, quo per suffragium et iuvamen praedicti Karoli, Romanorum et Boemiae regis, adversus Cruciferos de Domo Theotonica seu Bavaros in marchia Brandeburgensi manentes, metas regni nostri Poloniae non recuperaverimus, hostibus et aemulis dicti regis non cooperari vel assistere auxilio, consilio et favore. Recuperatis tamen limitibus regni nostri prae- dicti promittimus sub fide et iuramento superius expressis prae- dicto Romanorum et Boemiae regi adversus omnem hominem auxiliari, asstare et assistere, rege Ungariae dumtaxat excepto, prout in antiquis litteris nostris est expressum, et praedictum regem et fideiussores eius, qui nobis suis patentibus litteris pro quadam summa pecuniae promiserunt de praedicta pecunia, nullis umquam temporibus ammonere. Sique adiutorio Dei et supradicti regis suffragio medi- ante, metis nostri regni habitis primitus et obtentis aliqui occupatores de bonis et dominiis ad regnum nostrum Poloniae