Cap. IX. Universitas. 283 Literis 1399, 30. Januarii Pragae datis, Wenceslaus rex „pensatis benigne gratis, fidelibus et studiosis obsequiis Maj. Nostrae per honorabiles magistros et scolares Domus seu Collegii per Nos erecti, fundati et futuris temporibus Dei auxilio ampliandi, quod a Regiae Maj. Nostrae nomine sumpsit vocabulum ac „Collegium regis Wenceslai“ nuncupatur, impensis et processu temporis eo quidem studiosius impendendis“, domum ipsorum sitam in Majori Civitate Pragensi, in parochia S. Galli, ab omnibus et singulis bernis, lozungis, contributionibus etc. absolvit. (Mon. hist. II. 2. dipl. XLVI.) 12. Institutio conservatorum et judicum 1383. 31. Augusti. Bonifacius episcopus, servus servorum Dei, dilectis filiis, praeposito Moguntino, et Wratislaviensi ac Omnium Sanctorum in castro Pragensi ecclesiarum decanis, salutem et apostolicam benedictionem. In supremae dignitatis specula licet immeriti disponente Domino constituti, dignum censemus et debitum, ut personis litterarum studiis insistentibus, per quae Divini nominis et fidei catholicae cultus protenditur, justitia colitur tam publica quam privata, res geritur utiliter, omnisque prosperitas humanae con- ditionis augetur, favores gratiosos et opportunae commoditatis auxilia liberaliter impendamus. Sane dilectorum filiorum, magistrorum, doctorum et schola- rium Universitatis Studii Pragensis conquestione percepimus, quod nonnulli archiepiscopi, episcopi, aliique ecclesiarum prae- lati et clerici ac ecclesiasticae personae, tam religiosae quam saeculares, nec non duces, marchiones, comites, barones, milites, nobiles et laici, communia civitatum, universitates oppidorum, castrorum, villarum et aliorum locorum, et aliae singulares per- sonae civitatum et dioecesium et aliarum partium diversarum, occuparunt et occupari fecerunt castra, villas et alia loca, terras, domos, possessiones, jura et jurisdictiones, nec non fructus, census, reditus et proventus Universitatis studii praedicti, et nonnulla alia bona mobilia et immobilia, spiritualia et tempora- lia, ad magistros, doctores et scholares hujusmodi studii com- muniter vel divisim spectantia, et ea detinent indebite occupata, seu ea detinentibus praestant auxilium, consilium et favorem. Nonnulli etiam civitatum, dioecesium et partium praedictarum, qui nomen Domini in vacuum recipere non formidant, eisdem