346 Cap. XII. Stratae et commercium. mercatores Vestros tam de Imperii, regni Boemiae, quam de aliis regionibus Vestrae ditioni subjectis in nostram et .. nostri consilii et universitatis protectionem assumentes, ipsos ubique locorum et per omnes terras ditioni nostrae subditas protegere et defendere volumus fideli studio pro viribus et pro posse. Datum in nostro ducali palatio die XVI. Aprilis. (Pelzel, Karl IV. — Brandl IX. 94.) 16. Nundinarum concessio. Wenceslaus — notum fa- cimus, quod cupientes conditionem civitatis Nostrae in Misa facere meliorem, scabinis, civibus, incolis et universitati civium ejusdem indulsimus . . , ut ipsi exnunc inantea annis singulis, incipiendo die dominico proximo post festum S. Galli et deinde continuando infra octo dies se immediate sequentes, nundinas seu annuale forum in civitate Misa praedicta celebrare et ob- servare valeant atque possint, cum omnibus mercibus, mercimo- niis, rebus, libertatibus, immunitatibus, juribus, modis et formis, quemadmodum nundinae sive annuale forum in aliis regni Nostri Boemiae civitatibus consueverunt antiquitus observari . . . (Orig. civ. Misensis. Pelzel, K. Wenzel IV., dipl. LXXI.) 17. Hospites mercatores, Pragae commorantes. „Nos Wencezlaus (II) —— Notum esse volumus — quod universitas civium Nostrae Antiquae civitatis Pra- gensis nec non cives Novae civitatis Pragensis sub castro, videntes, quod ipsae civitates multa detrimenta et dampna reci- piant et receperint a temporibus retroactis propter hospites de quibuscunque terris sua mercimonia ligata et non ligata in dictas civitates adducentes, de Nostra speciali gratia et favore statuerunt : 1. Ut quandocunque dicti hospites cum suis mercimoniis ad dictas civitates venerint, in ipsis civitatibus stare debent et sua mercimonia ibidem deponere vel ipsa deducere, si eis placet. 2. Et si quinque diebus in dictis civitatibus manserint, tunc debent sua mercimonia disligare coram duobus probis viris et notario, qui per cives ad hoc electi fuerint, et tunc dicta mercimonia nullatenus de civitatibus deducere tene- antur. Quod si non facerent, extunc ad solutionem trium marca- rum argenti nomine poenae sine difficultate qualibet teneantur, et nihilominus disligare dicta mercimonia tenebuntur sub condi- tionibus superius praenotatis.