250 Cap. IX. Universitas. archiepiscopali Pragensi solenniter magisterii hujusmodi honore per consueta insignia cum debitis solennitatibus, in talibus ob- servari consuetis, primo loco duximus decorandum, dantes et concedentes eidem auctoritate cancellariatus nostri plenam ac liberam facultatem, in kathedra magistrali liberalium artium in studio Pragensi et alias ubique locorum legendi et quoslibet actus faciendi et exercendi magistrales. Harum, quibus nostrum majus sigillum appensum est, testimonio literarum. Datum Pragae a. D. 1359 die 12. Junii. (Lib. Erect. 25.) Primi professores in Universitate legentes. Magistri theologiae. Fuerunt autem quinque magistri theo- logiae, quorum unus legit in ecclesia Pragensi, alii vero magistri in mona- steriis sui ordinis sacram theologiam legerunt. (Chron. Franc.) Magister Nicolaus, fratrum Eremitarum S. Augustini in Nova Civitate sub castro Pragensi ad ecclesiam S. Thomae Apost.: „Primus ma- gister in Beheimia S. theologiae, frater Nicolaus ord. Augustini“ (Ben. Min.) Commemoratur in inventario ejusdem monasterii ca. 1409—1418.: Magister Nicolaus de Luna. („Unus ornatus de rubeo axamito magistri Nicolai de Luna“. Tomek.) Albertus monachus, fratrum Minorum ad S. Jacobum Majoris Civ. Prag. A. 1349. „frater Albertus, tunc lector Pragensis, factus fuit ma- gister sacrae theologiae“ (Ben. Min.). 1349 „Albertus Bludovis Ord. fratr. Min., lector in Praga, qui extra regnum Boemiae in diversis Generalibus Studiis multo tempore et demum in studio Paris. duobus annis sacrae paginae laudabiliter insudavit et postremo in diversis conventibus regni Boemiae et specialiter in conventu suo Pragensi eandem paginam legit, in disputationibus et sermonibus continuo laborando“ (Rotul. Denifle I. 590). „Examinetur per arch. Ravenat. et si sufficiens, licentiatur per eundem“ (Ib.). A. 1365 una cum matre sua Elza vendidit domum, sitam in Maj. Civitate prope valvam S. Benedicti Mathiae Melzer (Tomek). „1351. Capitulum pro- vinciale in Nova Domo, in festo S. Francisci, tenuit frater Albertus S. theo- logiae doctor, de mandato fratris Francisci Ministri, sui avunculi“ (Ben. Min.). Magistri decretorum (i. e. juris canonici). „Jus autem canonicum legit doctor decretorum de Bononia vocatus“ (Franc. Chr.). — „Suavis tuae famae virtutumque et scientiarum odor S. N. afflavit, qui ca- nonum armatus peritia, kathedrae digne praesidens, audientium ruditatem erudis et ariditatem eorum doctrinae foecundas irriguo fonte, sanctorum canonum aenigmata reserando. Tu denique nedum in vinea Domini fideliter laborare, sed quodammodo vineam diceris Bononiam dudum tam suavis fructus ubertate reficiens, nunc autem Paduam irradians, remota vasti orbis climata scientiae tuae radiis illustrare.“ (Form. litt. Caroli IV. Gelnhausen