Cap. IX. Universitas. 287 ribus et studentibus, universaliter omnibus et singulariter sin- gulis, decrevimus hanc gratiam faciendam, sub tenoribus, condi- tionibus et clausulis inferius annotatis, videlicet, ut magistri, doctores, studentes, familiaresque quotidiani eorum cum omnibus praedictae Universitatis juribus, libertatibus, pertinentiis, fructibus, proventibus, emolumentis et obventionibus universis, quibuscunque specialibus vocabulis possint designari, ab omnibus steuris, solu- tionibus, daciis, talliis et quibuscunque caeteris oneribus realibus, etiam a jurisdictione quorumlibet judicum regni Nostri Boemiae liberi esse debeant penitus et exempti. Inhibemus igitur judicibus singulis, et nominatim Majoris, Minoris et Novae Civitatum Pragensium, et aliis, quibuscunque censeantur nominibus, ne adversus Nostrae dispositionis, conces- sionis ac ordinationis seriem quidquam in praejudicium magi- strorum, doctorum et studentium attentare praesumant; nam si quid attentaretur modo quolibet, hoc ipso facto, auctoritate regia Boemiae et de certa Nostra scientia, viribus vacamus, ut nullius roboris sit seu momenti. Si vero supposita Universitatis praedictae in maleficiis seu forefactis per judices Nostros, unum aut plures, apprehensa et arrestata fuerint, ipsum aut eadem, dummodo notorie studentes fuerint aut quam cito hoc constaret, judicio rectoris ejusdem Universitatis sine contradictione et difficultate qualibet volumus praesentari; sic tamen, ut talem vel tales pro hujusmodi fore- factis rector Universitatis, qui pro tempore fuerit, corrigere et alias unicuique contra eos actionem habenti expeditam, quoties opus fuerit, debeat justitiam ministrare. Si quis vero praesentem Nostram paginam quovis modo infirmare, infringere aut contraire attentaverit sive praesumpserit, ab eodem totiens quotiens contra factum fuerit, centum marcas auri purissimi irremissibiliter exigi volumus et cum effectu dari; et earum medietatem Nostri regalis aerarii Boemiae, residuam vero partem dictae Universitatis profectibus et usibus decrevimus applicari. Praesentium sub regiae Nostrae Majestatis sigillo testimo- nio litterarum. Datum Mendici A. D. MCCCXCII, die vicesima secunda