204 Cap. VIII. Res ecclesiasticae. In cuius rei testimonium praesentes literas fieri et sigillo Nostro majori jussimus communiri. Datum Lucemburgi, Anno Domini MCCCXXV. VIII. Cal. Octob. etc. (Orig. Capit. Prag. — Balbin I. VI. — Böhmer Reg. 190 n. 84. — Emler III. 1134.) Pars urburae argentifodinarum ad instaura- tionem ecclesiae Pragensis dedicata a. 1341. Cum sit a Nostris divae memoriae praedecessoribus, regni Boemiae serenissimis principibus, iam dicta Pragensis ecclesia fundata constructaque antiquitus ac magnifice dotata, ad Nos quoque ipsius divina favente Nobis clementia de iure ius per- tineat patronatus, eam non inmerito utpote matrem et magistram caeterarum ecclesiarum totius regni Nostri Boemiae humiliato capite tenemur in omnibus devoto animo devotius venerari. Cum itaque in votis Nostris a longe retroactis temporibus praecipuum haberemus iugiter et habeamus praesertim beatissimo martyri nostro Wencezlao, cuius patrocinio et virtute ac choruscantibus in Nobis luculentius ipsius miraculis, plerumque in festivitatibus suis regalis celsitudo regni Boemiae pluries salutis et prosperitatis sumpsit beneficium et de hostibus suis victoriosum reportauit magnifice triumphum, pro receptis igitur tantis gratiae praemiis devota mente et sincero spiritu obsequium de facultatibus Nostris, Nobis e coelo creditis, ex dispensacionis Nostrae officio erogare volentes ac temporalia ipsa in coelestia, momentaneaque in hereditatem aeternam felici commercio feliciter cupientes com- mutare: hodie in Dei nomine ob reverenciam dicti beatissimi Wencezlai et sanctorum Viti et Adalberti et beatissimae Lud- milae ac aliorum patronorum Nostrorum, quorum titulis dicta Pragensis ecclesia extitit gloriosius insignita, flexis cum humili- tate genibus et manibus Nostris coniunctis misericorditer devotum Nostrum dilectum Arnustum, ipsius ecclesiae decanum, nomine dictae ecclesiae in praesentia totius capituli Pragensis de veris et legitimis decimis ac decimarum fructibus et obvencionibus earum universis pro rata porcionis personam Nostram in Mon- tibus Chutnis et Brzeznicz et alibi ubicunque in argentifodinis Nostris in regno Nostro Boemie cultis ad praesens vel excolendis seu de novo emergentibus in futurum, quomodolibet contigentis,