Cap. VIII. Res ecclesiasticae. 213 ut ipse in dicto regno velut inter gentem suam et patriam red- datur perpetuo gloriosus, ipsiusque dignissima memoria celebris habeatur, perpetuo Domino famulantes, divinum officium, noctur- num videlicet et diurnum, valeant celebrare. Verum cum spiritualia sine temporalibus nequeant diu sub- sistere, erectionem et exaltationem huiusmodi gratam et accepta- bilem velut opus manuum Nostrarum quam plurimum habentes et habituri, fragranti et sincera erga praefatos martyres et confes- sores devotione accensi, extremamque diem iudicii, ad quam cum sederit filius hominis in sede Maiestatis suae bonos a malis velut oves ab hoedis segregans duodecim tribus Israel iudicabit, praevenire piis et bonis operibus et eleemosinis, per quas fit ablutio scelerum et contra omnia mundi pericula firmamentum, summo- pere cupientes, ut Deus abstergat omnem lacrymam ab oculis Nostris et non sit Nobis luctus ulterior, neque clamor, neque ullus damnabilis pene dolor, transitoriis in perpetua felici commercio commutatis, ad dotationem et fundationem praefati monasterii, sustentationemque, usum et opus dictorum abbatis et fratrum ibidem de novo instituendorum suorumque successorum, ut praedicitur, in perpetuum infra scriptos redditus, allodium, araturas et cetera, quae Nostrae praesentes continent, una cum dicta parochiali ecclesia, de Nostra auctoritate regia et ex certa scientia liberaliter damus, donamus, concedimus, conferimus et assignamus et pure ac simpliciter tenore praesentium transferimus in eosdem, ut ipsorum abbatis et fratrum modernorum, ipso- rumque successorum orationes et suffragia pro Nobis, illustri Blanchia consorte carissima, liberis, antecessoribus et successo- ribus Nostris, regibus Boemiae, statuque felici Regni ipsius, erga Regem coelorum et Dominum iugiter intercedant. Haec igitur sunt donata et assignata : Primo sexdecim marcae grossorum denariorum Pragensium annui et perpetui redditus supra macella carnium Minoris civitatis Pragensis anno quolibet capi- endorum; item in villa Gencz triginta tres marcae; item allo- dium seu curia in villa Wallew cum aratura et quatuor marchis ; item dictam ecclesiam parochialem una cum quatuor marcis redituum ante huiusmodi erectionem spectantibus ad parochialem ecclesiam praelibatam. Nostris indicentes successoribus ac ipsos