20 bonum. Grauem fidelium Mercatorum nostrorum de Boemia et Morauia querelam recepimus continentem, quod ciues et mercatores de Cracouia contra approbatam et antiquitus semper obseruatam consuetudinem a tempore, cuius in contrarium memoria non existit, per nouas et abusiuas ipsarum constituciones iuri contrarias eosdem mercateres hucusque contra Deum et iusticiam impediuerint et violenter impediunt, ne ipsi cum eorum rebus et mercacionibus versus Russiam et Prussiam procedere presumant eisque stratas et vias huiusmodi precludunt, in eorundem mercatorum nostrorum irrecuperabile dispendium ac iurium nostrorum et Imperii derogacionem manifestam, ex co, quod omnes strate et vie quibuscunque regnis et dominiis in terra et aquis ad nos et Romanum Imperium de iure pertinere dignoscuntur, de quo ad- miramur vehementer, presertim cum homines et mercatores de Cracouia et aliis terris Regis Polonie in omnibus ciuitatibus et terris nostro Dominio suppositis cum eorum mercibus absque omni impedimento et grauamine libere et secure hucusque transiuissent et eorum negociaciones exercuerint, prout eis visum est vtilius expedire. Nolentes igitur huiusmodi iniurias et violencias nostris mercatoribus illatas et que continue inferuntur, sub paciencie silencio preterire sed pocius ipsorum oommoditatibus et profectibus, vt tenemur, salubriter prouidere, vobis omnibus et singulis supradictis et vestrum cuilibet per se, qui requisiti fueritis, districte precipimus et mandamus gracie nostre sub obtentu, quatenus vniuersos et singulos ciues et mercatores de Cracouia et aliis ciuitatibus et terris Regis Polonie, quan- docunque vel quociescunque ad vos et loca vestra cum ipsorum mercibus applicuerint, ipsos statim nullo alio exspectato mandato cum omnibus eorum mercibus a vobis recedere et redire. vnde venerant, cogatis et modis omnibus faciatis, non permittentes eosdem mercatores res ipsorum apud vos dissoluere, religare, aut vendere, aut quaslibet alias negociaciones exer- cere tamdiu, quousque id expresse per literas nostras reuocauerimus et donec aliud a nostra Maiestate receperitis in mandatis, predictam prout penam grauem vobis infligendam et in- dignacionis nostre furorem euitare volueritis nullatenus omissuri, harum testimonio literarum. Datum Prage anno Domini Millesimo Trecentesimo quinquagesimo Jubileo, XVIII. die mensis Julii, Regnorum nostrorum Romani anno quinto, Bohemie vero quarto. (Abgedruckt bei Pelzl Karl IV. im Urkundenbuche zum I. Th., p. 84.) 34. Die Stadt Jaromir bekennet, dass sie von dem Landes-Unterkämmerer im Namen Karl IV. aufgefordert dem Erstgeborenen desselben Wenzel den Homagialeid geleistet habe. Dt. sabb. proximo post f. s. Jacobi Apost. d. i. 31. Juli 1350. (Aus Privil. Reg. Boh. Manusk, im Landesarchive sig. M. VII. 28 pag. 67 b.)