125 dis de canonicatibus et prebendis in ipsa ecclesia speciales vel de beneficiis ecclesiasticis in illis partibus generales apostolice sedis vel legatorum eius litteras impetrarint etiamsi per eas ad inhibitionem reservationem et decretum vel alias quomodolibet sit processum. quibus omnibus preterquam auctoritate nostra in ecclesia ipsa receptis, vel prebendas inibi exspectantibus te in assecutione dicte prebende volumus anteferri, sed nullum per hoc eis quo ad assecutionem prebendarum et beneficiorum aliorum preiudicium generari, seu si eis- dem Episcopo et capitulo vel quibusvis aliis communiter vel divisim a predicta sit sede indultum quod ad receptionem vel provisionem alicuius minime teneantur et ad id compelli non possint quodque de canonicatibus et prebendis ipsius ecclesie ac aliis beneficiis eccle- siasticis ad eorum collationem provisionem vel quamcumque aliam dispositionem coniunctim vel separatim spectantibus nequeat alicui provideri per litteras apostolicas non facientes plenam et expressam ac de verbo ad verbum de indulto huiusmodi mentionem, et qualibet alia dicte sedis indulgentia generali vel speciali cuiuscumque tenoris existat, per quam pre- sentibus non expressam vel totaliter non insertam effectus huiusmodi nostre gratie impediri valeat quomodolibet vel differri, et de qua cuiusque toto tenore habenda sit in nostris litteris mentio specialis. Seu si presens non fueris ad prestandum de observandis statutis et consuetudinibus eiusdem ecclesie solitum iuramentum dummodo in absentia tua per pro- curatorem ydoneum et cum ad ecclesiam ipsam accesseris corporaliter illud prestes. Nulli ergo etc. nostre collationis provisionis reservationis inhibitionis constitutionis et voluntatis infringere etc. Datum Avinione III. Nonas Julii anno undecimo. (Aus den Orig. Regesten Clemens VI., B. I, epist. 382, p. 197; vidimirte Abschrift im mähr. Landesarchive.) 166. Papst Clemens VI. ertheilt dem Miřan, Sohne des Vojtěch von Lesintz, eine Olmützer Domherrupfründe. Dt. Avignon 6. Juli 1352. Clemens Episcopus Servus Servorum Dei Dilecto filio Mirzano nato quondam Woytzechonis de lesintz Canonico Olomucen. Salutem et Apostolicam Benedictionem. Vite ac morum honestas aliaque probitatis et virtutum merita super quibus apud nos fidedignorum testimonio commendaris nos inducunt ut tibi reddamur ad gratiam liberales. Dudum siquidem intendentes de Canonicatu et prebenda ecclesie Olomucen., quos quondam Conradus Weyffonis de Brunna ipsius ecclesie Canonicus tunc temporis obtinebat, cum ipsos vacare contingeret per apostolice sedis providentiam ordinari canonicatum et prebendam predictos dum adhuc idem Conradus ageret in humanis, videlit VIII Idus Januarii Ponti- ficatus nostri anno sexto collationi et dispositioni nostre ea vice duximus specialiter reser- vandos decernentes ex tunc irritum et inane si secus super hiis a quoquam quavis aucto- ritate scienter vel ignoranter contingeret attemptari. Cum itaque postmodum Canonicatus et prebenda predicti per obitum dicti Conradi, qui extra Romanam Curiam diem clausit extre-