256 quam veris, ordinariis et naturalibus ac hereditariis dominis suis tenebuntur et debent fide- litatis, homagii, subieccionis et obediencie sicut in suscepcione feodorum consuetum est fieri, ad instar predecessorum suorum quondam Marchionum ibidem prestare et facere corporalia iuramenta, Nosque heredes et successores nostri, Boemie Reges, predictum fratrem nostrum, heredes et proheredes ipsius, Marchiones Morauie tamquam alios Regni et Corone Boemie Principes et Vasallos, ab oppressionibus uiolent is et iniuriis, defendere tenebimur et tueri. Et quamuis de iure communi et positiuo consistat, quod vasallo non relictis legittimis masculini sexus heredibus moriente feodum de sui natura ad ipsius feodi dominum iusto titulo reuertatur, tamen ut uia dubietatibus et calumpniis precludi ualeat, consilio saniori pronunciamus, diffinimus et presentibus declaramus, ut quociens dictum fratrem nostrum, quem Deus custodiat, heredes aut proheredes suos absque masculini sexus heredibus continget decedere, quod Marchionatus Morauie predictus ad nos, heredes siue successores nostros Reges Boemie et eiusdem Regni Coronam absque difficultate libere reuertatur, nos que et dicti heredes siue successores nostri Boemie Reges uel alter eorum, qui pro tempore fuerit, dicti Marchionis heredum et proheredum suorum filias, si quas post se di- miserint, ad statum ordinare decentem et earum cuilibet, dum matrimonio copulate fuerint. a die consumate copule infra vnum annum decurrentem continuo de decem Milibus Mar- carum Argenti grossorum Pragensium, pagamenti Regalis, de pecuniis Berne, que ob eandem causam in Marchionatu predicto instaurari debebit, ut iuris est et obseruate con- suetudinis tenebimur prouidere, Addicientes de singulari munere gracie specialis, ob illum sinceritatis affectum, quo predictum fratrem nostrum conplectimur fauorose, ut quociens nos heredes aut successores nostros Reges Boemie non relictis masculini sexus heredibus ab hac luce migrare contingeret, Regnum Boemie prefatum, Comitatus Lucemburgensis, Marchia Budissinensis et Gorlicensis ac ceteri nostri Principatus ad supra- dictum fratrem nostrum, aut eo non extante, heredes siue proheredes suos legittimos, sexus masculini, Morauie Marchiones, absque eleccione siue assumpcione alia et absque difficultate qualibet deuoluatur, Et quod is, cuins tunc iure prefato et uirtute declaracionis predicte interesse uidebitur in Boemie Regem assumi et coronari debeat, impedimento quolibet non obstante. Qui denique nostris, heredum, proheredum, siue successorum nostrorum Regum Boemie filiabus, si quas dimisserimus, de congruenti statu secundum Regni Boemie con- suetudinem approbatam tenebitur et debebit decenter et magnifice prouidere. Neque nos uel successores nostri Boemie Reges dictum Regnum Boemie, uel supradictus Princeps et frater noster, heredes sui, Marchiones Morauie, Marchionatum eundem in toto uel in parte. occasione filiarum nostrarum utrobique aut alia causa quacunque donare, uendere, obligare, aut alienare debebimus, alioque dimembracionis aut sequestracionis modo, quo prefati Regni Boemie Corona, Principatus et dominia, que ad idem Regnum Boemie pertinent, specialiter Comitatus Lucemburgensis cum suis pertinenciis ut prefertur a dictis Morauie Marchionibus uel prefati Marchionatus deuolucio a nobis, heredibus et successoribus nostris Boemie Regibus posset in casibus prenotatis quomodolibet remoueri, Ceterum predictus Princeps et frater noster dilectus huiusmodi nostre gracie largicione contentus, Marchionatum Morauie