47 ticionem ipsarum parcium auctoritate ordinaria duxi presentibus confirmandam, in quorum testimonium sigillum vicariatus Ecclesie Olomucensis, quo vtor, presentibus est appensum. Actum Chunicz Anno domini Millesimo Trecentesimo quinquagesimo primo die XI. Mensis Augusti. (Orig. Perg. häng. Sig, im Archive des Klosters Bruck im Landes-Archive Lit. L. Nr. 18.) 80. Pabst Clemens VI. bestätiget die Zuweisung zweier Olmützer Dekanate zur Diozese von Leitomischl. Dt. Avignon 12. April 1351. Clemens Episcopus Servus Servorum Dei ad perpetuam rei memoriam. Exigit apostolatus officium, cui annuente Domino presidemus, ut ea que circa statum ecclesiarum omnium ex apostolice sedis circumspecta providentia ordinantur per solicitudinis nostre studium ad debitum perducantur effectum. Dudum siquidem pro parte Carissimi in Christo filii nostri Caroli Romanorum et Boemie Regis Illustris, tunc Marchionis Moravie. clare memorie Johannis Regis Boemie primogeniti et ipsius Regis tunc viventis coram nobis et fratribus nostris sancte romane ecclesie Cardinalibus reverenter exposito, quod Pragen. per decem et Olomucen. Ecclesie ipsarumque Civitates et Dioceses in Regno Boemie con- sistentis que de Maguntina provincia existebant et subiacebant iure metropolitico Archiepis- copo Maguntino, qui erat pro tempore ac eidem Ecclesie Maguntin. a Civitate Maguntin. per duodecim dietas vel circa distabant, et quod incole dicti Regni qui loquuntur ydioma Sclavonicum omnino diversum et non intelligibile incolis aliorum Episcopatuum dicte pro- vincie, qui purum ydioma theotonicorum loqui noscuntur, erant prout sunt omnino diversi in ydiomate ab eisdem, quodque illi de dictis Pragen. et Olomucen. Civitatibus et diocesibus tum propter predones et raptores in itineribus occurentes et itinerum ipsorum discrimina et asperitates nemora et montana in exitu et regressu dicti Regni existentes, tum etiam quia oportebat eos per aliam seu alias provincias transire cum Maguntiam vellent accedere pro appellationibus et aliis causis ad forum Archiepiscopalis Curie Maguntine Metropolitico iure spectantibus prosequendis predictis periculis ac importabilibus expensis et laboribus subia- cebant. Et propter hoc non erat memoria hominum, quod Ecclesie Civitates et dioceses Pragen. et Olomucen, predicte forent per Archiepiscopum Maguntin. nisi semel tantummodo visitate. et quod Altissimus in tanta multitudine populi dictas Pragen. et Olomucen. dioceses. quarum prima per quinque et altera quatuor dietas protendebantur vel circiter, et etiam iu ecclesiis ac locis ecclesiasticis fecundaverat et anexerat, quod singularum ipsarum sin- gulos vultus unicus pastor nequibat. ut Officium Pastorale decebat, inspicere et alias partes boni pastoris implere, quodque durum erat atque difficile in qualibet tam latarum et diffu- sarum diocesium ad unum tantum pastorem a tot personis ecclesiasticis et mundanis recursum haberi, ac pro parte ipsorum Johannis Regis et primogeniti nobis humiliter supplicato. ut dictas Pragen. et Olomucen. ecclesias ab omni dominio et potestate dictorum Archiepiscopi el ecclesie Maguntine eximere, ipsamque Ecclesiam Pragen. in metropoliticam et aliquas