260 casu fuit igne consumptum in nihilumque redactum, Et quia nihilominus tam nos quam præefati Principes et Barones jam dicta jura servare non promisimus nec aliqua super his præstitimus juramenta et adhuc in nostro et Principum ac Baronum eorundem pendeat arbitrio, si jura ipsa promissionibus et juribus in talibus opportunis confirmare, approbare et valare vellemus, quod usque hodie non est factum a nobis vel Principibus ac Baronibus antedictis, dictaque jura a tempore quo illa condidimus, usque modo numquam publicata. intimata seu nunciata fuerunt, nec internis Civitatibus seu foris publice proclamata, Ideoque decernimus ac auctoritate regia ex certa scientia declaramus, nos et omnes Principes ac Barones nostros et Regni Boemiæ ac Coronæ antedictos nostrosque insuper et ipsorum heredes et successores perpetuo ad dictorum jurium observantiam non esse ligatos quo- modolibet vel astrictos sed potius solutos esse ac liberos ab eisdem nec non ab omnibus sententiis, punctis et articulis, quæ et qui in dictis erant juribus comprehensi, Quodque tam nos quam ipsos seu nostros et ipsorum heredes et successores sicut præmittitur in honore statu personis vel bonis quæcunque pene in ipsis juribus seu dicto volumine olim ut præemittitur promulgare contingere vel notare non possint aut debeant ullo unquam tem- pore quovismodo ullumve nobis vel ipsis nostrisque et eorum heredibus et successoribus in honore statu personis aut bonis præjudicium generare quomodolibet vel affere. Nos enim Principibus et Baronibus sepedictis et eorum heredibus et successoribus promittimus pro nobis, heredibus et successoribus nostris Regibus Boemiæ bona fide et auctoritate regia statuimus in hac præsenti constitutione perpetuo duratura sancimus, ut nos et prædicti Principes ac Barones nostri et Regni et Coronæ Boemiæe subditi et fideles nostrique et ipsorum heredes et successores perpetuo antiquis et consuetis juribus omni impedimento cessante frui pacifice et perpetuis gaudere temporibus debeamus. Signum serenissimi Prin- cipis et Domini Domini Karoli Quarti Romanorum invictissimi Imperatoris et gloriosissimi Boemiæ Regis. Testes hujus rei sunt: Illustris Rudolphus senior Saxoniæe Dux sacri Imperii Archimareschalcus, Venerabilis Preczlaus Wratislaviensis aulæ nostræ Cancellarius, Johannes Argentinensis, Theodricus Mindensis, Fridericus Ratisbonensis, et Henricus Lucem- burgensis ac Episcopi, illustris Rudolphus junior Saxoniæ Dux et spectabiles Henricus de Swarzburg, Joannes Magdeburgensis, Ulricus de Helfelstein (?) et Albertus de Anhalt Comites et alii quam plures. Præsentium sub nostræe imperialis Majestatis sigillo testimonio literarum. Datum Pragæ Anno Domini Millesimo Trecentesimo quinquagesimo quinto, In- dictione octava secundo Nonas Octobris Regnorum nostrorum Anno decimo Imperii vero primo. (Aus Privileg. Reg. Boh. Manusk. in Landesarchiv M. VII. 28 p. 69. — Das Orig. im k. k. geh. H. H. und Staatsarchive.)