92 126. Papst Clemens VI. ernennt den Probst der Allerheiligen-Kirche in Prag zum Bischofe von Olmütz und verkündiget diese Ernennung dem Clerus, der Bevölkerung der Olmützer Diocese. den Olmützer Vasallen, dem Prager Erzbischofe und dem K. Karl IV. Dt. Avignon XV. Kal. Decembris d. i. 17. November 1351. Clemens Episcopus Servus Servorum Dei Dilectis filiis Capitulo ecclesie Olomucen. Salutem et Apostolicam Benedictionem. Suscepti cura regiminis cor nostrum continua pulsat instantia, ut solicitudinis debitum, ad quod universis orbis ecclesiis nos apostolice servitutis necessitas obligat, earum singulis prout nobis ex alto conceditur exolvamus, in eo potissime, ut illarum regimina, que pro- priis sunt destitute pastoribus, personis talibus committantur, per quarum solertiam circum- spectam et solertem circumspectionem ecclesie ipse in spiritualibus et temporalibus valeant ad augeri. Dudum siquidem bo : me : Johanne Episcopo Olomucen. regimini Olomucen. ecclesie presidente, Nos cupientes eidem ecclesie cum eam vacare contingerel operationis nostre ministerio utilem presidere personam, provisionem ipsius ecclesie ordinationi et dis- positioni nostre ea vice duximus specialiter reservandam, Decernendo ex tunc irritum et inane si secus super hiis per quoscumque quavis auctoritate scienter vel ignoranter contin- geret attemptari. Postmodum vero prefata ecclesia per obitum eiusdem Johannis, qui in illis partibus debitum nature persolvit pastoris solatio destituta. Nos vacatioue huiusmodi fidedignis relatis intellecta, ad provisionem ipsius ecclesie celerem et felicem, de qua nullus preter nos hac vice se intromittere potest, reservatione et decreto obsistentibus supradictis, ne longe vacationis exponeretur incommodis, paternis et solicitis studiis intendentes post deliberationem, quam de preficiendo eidem ecclesie personam utilem et etiam fructuosam cum fratribus nostris habuimus diligentem. Demum ad Johannem Prepositum ecclesie Omnium Sanctorum in Castro Pragen. in sacerdotio constitutum, literarum scientia preditum, vite ac morum honestate decorum, in spiritualibus providum, et in temporalibus circumspectum, aliisque virtutum meritis, prout ex testimonis fidedignis accepimus, multipliciter insignitum. direximus oculos nostre mentis, quibus omnibus debita meditatione pensatis, de persona ipsius Johannis ipsi Olomucen. ecclesie de predictorum fratrum consilio auctoritate apostolica providemus, illumque illi preficimus in Episcopum et Pastorem, curam et administrationem ipsius ecclesie ipsi Johanni tam in spiritualibus, quam in temporalibus plenarie committendo, in illo qui dat gratias, et largitur premia confidentes, quod eadem ecclesia per ipsius Jo- hannis circumspectionis industriam et providentiam circumspectam sub eius felici regimine, dextera ei Domini assistente propicia, salubriter et prospere dirigetur. Quocirca Universitati vestre per apostolica scripta mandamus, quatinus eiden Electo tanquam patri et pastori animarum vestrarum humiliter intendentes ac exhibentes eidem obedientiam et reverentiam debitam et devotam, eius salubria monita et mandata suscipiatis devote, et efficaciter ad- implere curetis. Alioquin sententiam quam idem Electus rite tulerit in rebelles ratam habe- bimus, et faciemus auctore Domino usque ad satisfactionem condignam inviolabiliter obser- vari. Datum Avinione XV Kalendas Decembris Anno Decimo.