91 Suscepti cura regiminis cor nostrum continua pulsat instantia, ut solicitudinis debitum ad quod universis orbis ecclesiis nos apostolice servitutis necessitas obligat, earum singulis prout nobis ex alto conceditur exolvamus, in eo potissime, ut illarum regimina, que pro- priis sunt destitute pastoribus, personis talibus committantur, per quarum solertiam circum- spectam, et solertam circumspectionem ecclesie ipse in spiritualibus et temporalibus valeant adaugeri. Dudum siquidem bo. me. Johanne Episcopo Olomucen. regimini Olomucen. ecclesie presidente, Nos cupientes eidem ecclesie cum eam vacare contingeret operationis nostre ministerio utilem presidere personam, provisionem ipsius ecclesie ordinationi et dispositioni nostre ea vice duximus specialiter reservandam, Decernendo ex tunc irritum et inane si secus super hiis per quoscumque quavis auctoritate scienter vel ignoranter contingeret attemptari. Postmodumvero prefata ecclesia per obitum eiusdem Johannis, qui in illis par- tibus debitum nature persolvit pastoris solatio destituta. Nos vacatione huiusmodi fidedignis relatis intellecta, ad provisionem ipsius ecclesie celerem et felicem, de qua nullus preter nos hac vice se intromittere potest, reservatione et decreto obsistentibus supradictis, ne longe vacationis exponeretur incommodis, paternis et solicitis studiis intendentes post deli- berationem, quam de preficiendo eidem ecclesie personam utilem et etiam fructuosam cum fratribus nostris habuimus diligentem. Demum ad te Prepositum ecclesie Omnium Sanctorum in Castro Pragen. in sacerdotio constitutum, literarum scientia preditum, vite ac morum honestate decorum, in spiritualibus providum, et in temporalibus circumspectum, aliisque virtutum meritis, prout ex testimoniis fide dignis accepimus multipliciter insignitum, direximus oculos nostre mentis, quibus omnibus debita meditatione pensatis, de persona tua ipsi Olo- mucen. ecclesie de predictorum fratrum consilio auctoritate apostolica providemus, teque illi preficimus in Episcopum et pastorem, curam et administrationem ipsius ecclesie tibi tam in spiritualibus, quam in temporalibus plenarie committendo, in illo qui dat gratias et largitur premia confidentes, quod eadem ecclesia per tue circumspectionis industriam et providentiam circumspectam sub tuo felici, regimine, dextera tibi Domini assistente propicia, salubriter el prospere dirigetur. Jugum igitur Domini tuis impositum humeris prompta devotione susci- piens, curam et administrationem predictas sic exercere studeas solicite fideliter et prudenter. quod ipsa ecclesia gubernatori provido et fructuoso administratori gaudeat se commissam. tuque preterea eterne retributionis premium benevolentie nostre gratiam uberius consequi merearis. Datum Avinione XV Kalendas Decembris Anno Decimo. (Aus den Orig. Regesten Clemens VI. lib. 1, epist. 35, pag. 22; vidimirte Abschrift im Landesarchive.) 12*