168 214. Johann, Markgraf von Mähren, befreit das Kloster in Pustiměř von der weltlichen Gerichtsbarkeit. Dt. Brünn 8. Juli 1353. Johannes dei gracia Marchio Morauie Venerabili domine Anne Abbatisse Mona- sterii Sanctimonialium ad infanciam Christi in Pusmir ordinis sancti Benedicti Sorori nostre Karissime et monasterio suo in perpetuum. Et si pietatis opera prudentibus ac Deo sanctis virginibus pie exhibita inter ceteris virtutum acciones in principibus gloriose resplendeant Plerumque tamen intuitu personarum Illustrium, que piis locis preficiantur loca ipsa am- plioris fauoris et gracie priuilegiis honorantur. Veri igitur amoris intuitu desiderantes vobis in persona vestri conuentui ac Monasterio vestris in Pusmyr graciam facere specialem Vos, conuentum et Monasterium predictos nec non homines et bona vestra ac Monasterii pre- dicti ab omni Jurisdiccione iudicio et infestacione Juris et facti Nobilium, Capitaneorum, Baronum, Camerariorum, Czudariorum, Prouincialium Judicum, villicorum, beneficiariorum, Justiciariorum seu Officialium et subditorum nostrorum eximimus, et presencium tenore de certa nostra liberalitate liberamus, et liberas ac libera exemtos (sic) decernimus et exemta, Vsque adeo, quod nemo ipsorum in bonis vestris predictis ad nocturnum, vel alias, cum vestro preiudicio hospitandum se collocare presumat, aut vos, seu conuentum vestrum aut homines vestri Monasterij ad iudicium seu Czudam ad cuiusuis instanciam euocare, vllasque contra vel ipsos ferre sentencias, aut alias quomodolibet molestare. Mandantes sub obtentu gracie nostre prefatis nostris officialibus et ceteris subditis quibuscumque censeantur nomi- nibus presentibus et futuris. Quatenus vos . . Conuentum et homines ac Monasterium et bona vestra premissis libertatibus irrefragibiliter gaudere permittant et contra eas vel earum alteram venire non audeant quouis modo. Ceterum si quis adversus vos aut vestros seu vestra aliquam accionem habuerit, hanc coram nobis aut certis Judicibus nostris fidelibus vobis conpetentibus, per nos loco suo specialiter delegandis iusticia mediante prosequatur. Si autem contra vos in Judicio vel extra quippiam, secus attemptari, procedi vel fieri con- tingeret per aliquem predictorum, id auctoritate presencium, de certa sciencia nullius roboris habere decernimus firmitatem. Contrafacientibus nichilominus indignacionem nostram grauiter incursuris. In cuius rei testimonium presentes literas fieri, et sigilli nostri jussimus appen- sione muniri. Datum Brunne in Octaua die Mensis Julii Anno domini Millesimo Trecente- simo Quinquagesimo tercio. (Aus dem Orig, im fürsterzbischöfl. Archive zu Kremsier copirt durch Ant. Boček.)