25 49. Die Stadt Kaaden bekennet, dass sie Karl IV. erstgeborenem Sohne Wenzel den Homagialeid geleistet habe. Dt. fer. V. proxima ante diem s. Michaelis Archangeli d. i. 23. September 1350. (Aus Privileg. Reg. Boh. Manusk. im Landesarchive sig. M. VII. 28 pag. 65 b.) 50. Petrus, Pfarrer in Oslowan schenkt dem Kloster daselbst mehrere Aecker. Dt. 5. Oktober 1350. Cum sciencia literarum sit remedium contra obliuionis caliginem exstirpandam et ne gesta hominum, que geruntur sub tempore, transeant cum tempore, placuit omnibus ma- ioribus et pusillis cuncta que voluerint, ut sint perpetua, in scriptis transmittere memorie posterorum. Ego igitur Petrus plebanus in Ossla ipsorum exempla imitando tam presentibus quam futuris, ad quos presentes litere peruerint, cupio fore notum. Quod venerabilis domina domina mea Elizabeth abbatissa Hedwigis priorissa Agnes subpriorissa Chunegundis cele- raria totusque Conuentus Monasterii vallis sancte Marie in Ossla Ordinis Cisterciensis Olo- mucensis Dyocesis sincera mea seruicia attendentes, quosdam agros videlicet praytam vnam iuxta Ecclesiam Sancti Nycolai sitam agrum volgariter Selgereth nuncupatum versus villam Lechwicz, agrum mitterigel inter siluas et eciam istos agros in hayas sitos maturo consilio consensuque concordi ad tempora vile mee colendos tenendos et possidendos ex speciali ipsarum gracia contulerunt, tali tamen condicione quod iam dicti agri post decessum meum ad prefatum Monasterium prout inventi fuerint libere deuoluentur. Insuper eciam fecerunt michi graciam specialem, quod agros meos, quos emi, qui soluunt et censuant annonas Mo- nasterio omni anno, michi eundem censum de ipsarum bona uoluntate adsoluendum at tempora vite mee indulserunt, videlicet de vna prayta qua soluit singulis annis Triginta sex metretas siliginis magne mensure, qua fuit Symonis quondam Iudicis in Lekwicz, de vna alia prayta qua soluit duodecim metretas quatuor tritici quatuor siliginis et quatuor auene magne mensure, de tercia prayta quatuor metretas siliginis. Cum igitur ego predictus dominus Petrus viderem michi tantam graciam ac beniuolenciam a dictis dominabus meis factam et exhibitam agros antedictos pro meis pecuniis bene conquesitis emptos predictis dominabus meis dono tribuo et presentibus resigno perpetue ipsis colendo tenendos possidendos vtifruendos prout ipsarum placuerit voluntati abrenunccians omnibus impeticionibus arrestacionibus seu adinuencionibus et inpignoracionibus per me vel successores meos, que ipsis euenire possent totaliter pro- culmotis et exclusis. Vt autem hec omnia et singula prenotata rata et inviolata permaneant presentes literas in euidens testimonium et robur per appensionem proprii sigilli mei et honorabilium virorum videlicet domini Petri plebani in Droscawicz et domini Hermanni plebani in Mohilna ex certa mea et eorum sciencia supradicte domine abbatisse et suo Conuentui dedi comunitas. Anno Domini M° ccc° L° infra Octavas sancti Michahelis. (Orig. Prag. 3 häng. Sig. im Land.-Archive, Kloster Maria Saal lit. P. Nr. 67.)