136 nicht. Daz hab wir hie czu einem recht, Di Molherren schullen chawfen die well, champf- rod, molstain, czapffen, daz wasserrad, schawfeln, kamnen vnd treibsteken schol machen der molner vnd geben seinen fuenften pfening oder wie ers bestet. Der peck der do snachtes melt schol haben sein liecht vnd auch czu dem stainhawn, wenn man die peil spiczt, daz geben si auz dem mautkasten vnd daz vnslid daz in die phann get. Der mol- herr macht di wuer mit seinen phennigen, aber der molner der arbait mit seiner hant als ver alz er mag. (Aus dem Codex Nr. 35 fol. 1/b im Archive der k. Stadt Brünn.) Anmerkung. Diese Mittheilung über die Mühl- und Mahlordnung wurde vom Olmützer Stadtrathe dem Rathe von Brünn auf das Ersuchen des letzteren gemacht und auf Grundlage derselben publi- cirte der Brünner Stadtrath eine Mühl- und Mahlordnung ddo. 22. Oktober d. J. Vid. Nr. 177. 177. Der Rath von Brünn gibt eine Mühlordnung. Dt. Brünn 22. Oktober 1352. Wier Jacob vonn Ror Richter zu Brvn, Chunrat peck ze den zaiten purgermeister. Johans Smalcz, Nicolaus swarcer Miloht von dem deuczenhaus, Churat woller, Perhart von wisschaw, Hannus anshalm, Hannus Jeckil, Hensel Albrecht, Hainreichs Fuchs, Haimel Chuersner, Bohusch von Thusnawicz Sepphen in disem Jar vnd di alten des altes rates Luczk von Vitis, Niclas Ellend, Marcus Poherliczer, Jacob Alram, Albrecht mit den Roten enten *), Anshalm, Jakob Swarczer, Wenczlab von Tuschnawicz. Ott Niesil, Hensel peck. Hensel glesein vnd Goerg von deuczemhaus. Bechennen an diesem prief vnd tun chunt allen den, di in sehen oder heren lesen, di nu leben oder hernach chuenftig werden, daz grozz clag gemainleich dick vnd offt fuer vns cham paidew von pekken vnd auch von andern leuten, daz in den Molen von pretern ein puen wert gemacht, die hies himel vnd was mells dar auz stub, daz nemen die Molner vnd daz wer allen leuten die traid ze mvel furen ein grosser schad. Nu wolt wir daz wenden vnd besorgen, daz molherren. mvelnern vnd pecken vnd andern leuten recht gerecht vnd santen gen Olomucz, da mvel sind an himel vnd paten vns vnderweisen, wie di mvel gericht weren vnd waz rechtes di Mvelherren, die Mvelner, die pekken vnd ander leut, di ze Mvel choemen, hitten, vnd ze der pothschaft nam wier Muelner vnd pecken vnd von der Stat wegen vnsern gesworn gericht schreiwer vnd vorsprechen. Die zugen gen Olomucz mit vnsern priefen vnd sahen mit denn Augen in den Mvelen paidew mit Mvelherren, mit den Muelnern, mit den pekken vnd mit Scheppfen von Olomucz wie das mvelwerch gericht waz vnd prachten vns von Olomucz offen prief mit der Stat Insigel, mit den geseczen, di hernach geschrieben sten. Ze dem ersten mal, daz die himel in den Mvelen, wann si allen leuten, die da mvelen schedleich wern, ab sint geleit vnd di mvlstain in lauf sind gericht, also daz der lauf von *) Es heisst in dem Losungsbuche Cod. 39 des Brünner Stadtarchives: „Albertus cum ruffis finibus.“