257 supradictum cum digna graciarum accione suscepit, neque ipse, heredes et proheredes sui: Marchiones Morauie, a nostra celsitudine, heredibus siue successoribus nostris, Boemie Regibus, aliud quitquam per diuisionem, successionem ab intestato, uel alio quouis titulo, iure uel facto, poterunt seu debebunt repetere aut exigere, nisi quod ipsis de singulari fauore et nostre mentis beneplacito liberaliter duxerimus erogandum. Renunciauit eciam dictus frater noster pro se et dictis heredibus ac proheredibus suis Marchionibus Morauie. omni iuri et iurisaccioni, si quod uel quam in Regno Boemie aut ceteris nostre dicionis principatibus et dominiis habere potuit aut posset, potuerunt seu poterunt quomodolibet in futurum, Canonum eciam et legum auxiliis ac cum omni iuris beneficio, quibus ordinacioni disposicioni et renunciacioni prefatis possel in toto, uel in parte aliqualiter derogari. Pro- misit eciam pro se et dictis heredibus ac proheredibus suis legaliter et bona fide, omnes et singulos nostros et Corone Regni Boemie Principes ecclesiasticos et seculares, ubicumque resideant, nostre dicioni subiectos, in omnibus et singulis ipsorum priuilegiis, literis. Juribus, graciis, libertatibus et emunitatibus tam in bonis, quam hominibus ipsorum non offendere ymmo uerius ipsos et eorum quemlibet dictis priuilegiis, literis, iuribus et ceteris condicionibus prenotatis, libere gaudere permittere et potiri. Et ad cautelam certitudinis amplioris nos una cum Principibus, Baronibus, Nobilibus et Ciuitatibus Regni Boemie pro nobis, heredibus et successoribus nostris Boemie Regibus ex una, dictus quoque frater noster una cum Baronibus, Nobilibus ac Cinitatibus Morauie, pro se suisque heredibus et proheredibus Marchionibus Morauie parte ex altera, super omnibus punctis, clausulis. articulis et sentenciis prelibatis, non per errorem aut improuide, sed matura deliberacione preuia fecimus et prestitimus corporalia iuramenta, que eciam heredes et successores nostri Reges Boemie imposterum in coronacione sua, ad quam ac ad alia honorem et statum Regni Boemie concernencia dictus Marchio. heredes et proheredes sui, sicut alii Boemie Principes uocali uenire debebunt. unacum Principibus. Baronibus. Nobilibus ac Ciuitatibus Regni Boemie prefati, qui pro tempore fuerint, prestare et facere tenebuntur, Heredes quoque et proheredes eiusdem nostri fratris dictum Marchionatum Morauie dum casus uacacionis ipsius emerserit. a nobis, heredibus et successoribus nostris Boemie Regibus. qui tamen eundem Marchionatum, dum honore solito quesiti fuerint. infra limites Regni Boemie absque difficultate conferre debebunt in feudum infra vnius anni spacium a die uacacionis continuo reuoluendum, cum debita solempnitate recipient et facient ac prestabunt tempore suscepcionis siue infeudacionis huiusmodi. cum suis Baronibus. Nobilibus ac Ciui- tatibus Marchie prelibate ad instar patrum sine progenitorum suorum consimilia inramenta Et specialiter vniuersi et singuli Principes. Barones et Nobiles ac Ciuitates Regni Boemie et Marchionatus Morauie predictorum, nobis, heredibus et successoribus nostris, Regibus Boemie ac prefato fratri nostro, heredibus et proheredibus suis, Marchionibus Morauie in casu, ubi contra prefatam ordinacionem siue disposicionem in toto uel in parte uenire uellemus, aut alter ex nobis dictis tractatibus contrairet, consentire non debent aut in talibus obedire, per que promissa omnia uel alterum ipsorum possent diminui seu turbari. Supplentes omnem defectum, si quis in litteris et priuilegiis dictorum Imperatorum et Roma- 33