5. De tabulis terrae. 5 praesentium publice protestantes : Quod honestus vir Johannes de Werberg, noster concivis, in villa Zletnyk retro montem Ryzel sita censum quatuor marcarum et mediae, quem jure hereditario emerat, habuit et possedit de bona voluntate, suorumque heredum et amicorum ad hoc consensu plenario accedente, tradidit et vendidit honorabili viro, domino praeposito ipsiusque fratribus claustri et monasterii Zderaziensis eodem jure hereditario possiden- dum nunc et semper. Promisitque idem Johannes hunc venditionis con- tractum secundum jus provinciale imponi solemniter ad Pragensium bene- ficiariorum tabulas procurare, prout jus et consuetudo terrae requirit, annos tres et ebdomadas sex memorato domino praeposito suisque fratribus de bonis hujusmodi plenam praestare varandiam. Si vero praefatus Johannes praedicta seu aliquid praedictorum non expleret, ex tunc ad omnia ipsius bona hereditaria et alia in Ponte et Zacs situata praelibati dominus Nicolaus propositus cum suis fratribus habebunt respectum, eisdem pro pignere seu vadio obligata, donec saepedictus Johannes perfecte adinpleat, quod pro- misit. Discurso autem varandationis termino praesentes amplius sint irritae et inanes. — In cujus rei evidentiam clariorem conscribi fecimus praesens scriptum nostrae civitatis sigillo consignatum. Datum Bruxs anno Domini Millesimo CCC duodecimo, sexto Idus Martii. (Exscriptum ex originali in bibliotheca c. r. Universitatis Pra- gensis asservato.) 1315. In nomine Domini etc. Nos Bavarus tertius de Bawarow, volentes Divinae munificentiae in alicujus obsequii exhibitione aliqualiter respondere, ut in extremo judicio ante metuendi conspectum judicis valeamus gratiam et misericordiam invenire in auxilio opportuno — post divisionem paternarum possessionum fraternam inter nos et fratres nostros, dominum Nicolaum de Blatna et dominum Wilhelmum de Strakonic, donatione libera et solemni de parte hereditatum quae ad nostrum dominium in praefatae divisionis dis- tributione rite et ordinarie devenerunt, damus atque conferimus in prae- senti venerabilibus ac religiosis viris Abbati atque conventui monasterii Sanctae Coronae Cisterciensis ordinis nunc et in perpetuum ibidem Domino servituris, villas nostras, vulgariter dictas Swincitz cum quatuor araturis ibidem, nec non Krzidel cum nemore dicto Sussen adjacente, Moyn, Saltitz, Schirnitz cum jure patronatus ecclesiae villae ejusdem, cum omnibus agris cultis et incultis, nemoribus, silvis, montibus atque vallibus, nec non et pratis, cum rivis et piscationibus et aurifodinis, insuper cum omni jure, quo nos posse- dimus ipsa bona, tenore hujus privilegii confirmantes et hoc ad notitiam hominum tam praesentis aetatis, quam futurae cupimus pervenire; quod etiam ad majorem hujus nostrae collationis evidentiam fecimus ad tabulam terrae in civitate Pragensi literaliter annotari etc. Actum et datum in Sancta Corona Anno Domini M. CCC. XV° in Purificatione B. Mariae Virginis Gloriosae. (Insertum privilegiis monasterii olim Sanctae Coronae a. 1349 Nonis Julii a Carolo rege confirmatis.) 1316. Diwissius de Mančic protestatus est coram beneficiariis Pragensibus, quia dedit hereditatem suam in Mančic, quicquid ibi habuit, in Albrechtic et in Chwalowic quicquid ibi habuit, cum agris, pratis et qualibet libertate ad ipsam pertinente, Hermano de Mančic, fratri suo patrueli et heredibus