5. De tabulis terrae. 13 obmeškal anebo dáti nechtěl, tehda Dorota anebo její děti mohú a mají Janovi prvépsanému na jeho dědinách tu v Zahořanech s jedním komor- níkem Litoměřickým bráti své jistinné penieze dotud, dokavadž by jich i s škodami a náklady nevybrali. Impositum A. D. MCCCCXIII. feria sexta post Ostensionem reliquiarum. (E libro Lutomericensi.) (Ex tabulis curiae regiae. — Pal. Archiv I. 397.) Tabulae terrae Moraviae. Moravia saeculi XIVmi unum habuit terrae judicium cum tabulis binis, quarum alterae Olomucii erant, alterae Brunae. Vetustissima earum memoria anni est 1303 et ad czudam Olomucensem refertur; at prima tabu- larum Brunensium notitia e literis a. 1327 scriptis percipitur. Novam legem de utrarumque tabularum administratione Carolus rex a. 1348 sanxit; „ab antiquis enim temporibus — ait Carolus in literis a. 1359 datis — quaedam consuetudo, imo verius corruptela in marchionatu Moraviae observata fuit et adhuc nostris temporibus, quibus videlicet marchio Moraviae eramus (1333— 1346) communiter servabatur, quod vid. castrorum, munitionum, praediorum, bonorum, rerum, possessionum, villarum et locorum per Moraviam vendi- tiones, permutationes, donationes, obligationes, cessiones, colligationes et uniones talium inter fratres, consanguineos, agnatos sive affines aut alios quoscunque, coram camerario dicti marchionatus Moraviae agebantur." Ab eo inde tempore libri obligationum et inscriptionum usque ad no- stram aetatem continuantur et exstant. Quae de antiquissimis tabulis terrae Moraviae testantur, literae hae sunt : 1303. In nomine Domini. Amen. Acta legitima crebro per aemulorum cas- santur calumpnia, seu oblivionis discrimen sentiunt, quin in scripta publica redigantur. Nos igitur Witko de Swabenitz zudarius Moraviae, serie prae- sentis privilegii profitemur, quod nos deliberato animo et maturo nostrorum amicorum et fidelium consilio, ex pura voluntate meroque favore ac consensu inclyti domini nostri W „ Bohemiae et Poloniae regis, ratione dotalitii quingentarum marcarum, sexaginta grossorum Pragensium et duorum pro- una marca currentium, quod dotalitium a conjuge nostra Berchta super bona quae dicuntur Potschatek, acceptavimus et recepimus : eidem dominae Berchtae villam nostram Marwyns vice versa pro suo dotalitio, quod nobis habere debet, pro 500 m. gr. praedicti numeri et ponderis, obligamus etc. Si autem nos ipsam dominam supervixerimus, easdem 500 m., quas ab ipsa super bona seu de bonis Potschatek habemus, convertere possumus secundum no- strae arbitrium voluntatis .. Haec acta tam legitime celebrata .. in tabulas pu- blicas Olomucensis zude, ad quam universae provinciae Moraviae se recli- nant, redegimus in signum efficaciae amplioris. In cujus rei testimonium praesens scriptum sigillo nostro et sigillis testium subscriptorum duximus communiri. Testes etc. Actum et datum Brunnae anno Domini MCCCIII, proxima dominica post diem S. Nicolai. (Ex originali septem sigillis rite confirmato et in archivo olim mo- nasterii Aulae S. Mariae, nunc terrae Moraviae, asservato typis exscripsit Boček: Codex dipl. Mor. V. 158.)