18 6. Sententiae a judicio terrae Bohemiae latae. pugnare justitiam in foro cujuscunque judicii persentiret. Quidam autem de regno nobiles, his auditis, non modicum doluerunt, et occasione sumpta ab hujuscemodi proposito animum regis avertere studuerunt, ne videlicet, si vigor scripti juris per hunc modum invalesceret, fructus quem de abusivis eorum adinventionibus hactenus consueverunt tollere, illis forsitan deperiret. Chron. Aulae Regiae Cap. LI). Idem evenit a. 1355, quum Carolus efficere non potuit, ut corpus legum quod Majestas Carolina est appellatum, in Bohemia valeret. Declarat Carolus in literis revocatoriis anno 1355 datis, se et omnes principes, ba- rones regni ac coronae Boemiae, suosque insuper et ipsorum heredes et successores perpetuo ad dictorum jurium observantiam non esse ligatos quomodolibet vel astrictos, sed potius solutos ac liberos, statuitque, ut ipse rex et principes et barones et regni et coronae Boemiae subditi et fideles perpetuo antiquis et consuetis juribus, omni impedimento cessante, frui paci- fice et perpetuis gaudere temporibus debeant. Attamen in tabulas terrae inscribi sententias suas barones jubebant. Inde nimirum est factum, ut judicia quae de certa aliqua re fecerant, nor- mae instar essent, ad quam judicia similibus in causis dirigerentur. Atque profecto decreta et judicata quae omnium in usu versarentur, de tabulis diligenter exscribi esse solita constat, quae quidem barones ipsi in usum suum excerpenda curabant. Imprimis autem terrae notariis antiquitus con- cessum liberumque erat, baronum decreta, sive in omnes causas cives- que sive in singulas singulosve valerent, exscribere, ut haberent ad quod et ipsi acta sua accomodarent et unde ceteros quoque terrigenas de jure legibusque ambigentes edocerent. Itaque pergratum nobis accidit, quod supremi terrae judicii decreta etiam ante funestum annum 1541 quo tabulae terrae flammis conflagrarunt, de eisdem exscripta ad nos pervenerunt, ut etiamsi tabularum corpus in- teriit, mens tamen earum et ratio nobis servata sit. Scripta autem, librique in quibus ejusmodi excerpta plus minusve integra leguntur, hi sunt: a) Officium regni Boemiae circa tabulas ab a. 1396 (Maciejowski Hi- storya prawodawstw slowiańskich VI). — Cit.: Officium. b) Aliquot inventiones baronum, exeunte saeculo XIV. scriptae et in codice manuscripto caes. univ. Prag. 17. E. 4 servatae. — Cit.: Inventiones. c) Domini Andreae de Duba, supremi terrae judicis, interpretatio juris terrae Boemiae: Výklad na právo zemské, ab a. 1400—12 (Arch. II). — Cit.: Z Dubé. d) Liber wladykonis et judicii assessoris Alberti Hogeri de Očedělic ab a. 1496, nondum publici juris factus. — Cit.: Ojíř. e) Jura et Constitutiones terrae Bohemiae: Zřízení zemské království Českého 1500. (Arch. V.)— Cit.: ZZVlad. f) Victorini Cornelii a Všehrd de juribus, judiciis atque tabulis terrae Bohemiae libri novem: Knihy devatery o praviech a súdiech i o dskách země české. 1500—10. — Cit.: Všehrd. g) Corpus sententiarum judicialium collectum anno 1535: Nálezové (Právník 1862). — Cit.: Nálezové. h) Excerpta e tabulis terrae vetustissimis Joannis Hodějovii, regni Bohemiae vicejudicis, ab a. 1537 (Balbini Liber Curialis, opus posthumum). i) Excerpta e tabulis terrae per varios codices manuscriptos saeculi XV. dispersa, uti sunt : Talmbergicus primus, secundus archivi Treboniensis, tertius Musei boemici, quartus bibliothecae caes. Vindobonensis. — Cit.: Talmb. — Treb. — Mus. — Vienn. Tabulas terrae Bohemiae e reliquiis quae exstant, partim typis de- scribendas curavit celeberrimus Fr. Palacký in collectione quae inscribitur: Archiv český I—V. — Quod nos in hoc libro in medium protulimus, solum