4 5. De tabulis terrae. 1309. Noverint universi praesentes literas inspecturi, quod nos Witko de Swabenicz sive de Hermanicz nostra spontanea voluntate duas proprias villas nostras Zálšie et Slupnic, prope civitatem Myto sitas, cum agris cultis et incultis, pratis, pascuis, aquis, reditibus, jurisdictione, judiciis, utilitatibus et pertinentiis universis, viris religiosis fratribus, Nicolao praeposito, con- ventui, eorumque successoribus in Zderaz ante Pragam, ordinis sepulchri Christi, pro trecentis et duodecim sexagenis grossorum Pragensium, in quibus villam suam Siebrzinam per nos rogati pro nobis in ardua nostra necessitate civibus Pragensibus obligarant et ipsas omnes pro nobis eisdem in nostra praesentia persolverunt, insuper pro centum sexagenis ratione dampnorum, quia propter nos, proch dolor, alienaverunt alia plurima sua bona, — vendi- dimus tradidimus jure hereditario in perpetuum et in ipsos transtulimus in praesentia magnifici domini nostri Henrici Boemiae et Poloniae regis, his omnibus consentientis, ut faciant de ipsis tanquam de bonis propriis velle suum; eosque induximus in possessionem omnium praedictorum. — — Haec autem omnia et singula ad perpetuam firmitatem omnium praedictorum per ipsum dominum regem nostrum rata haberi et confirmari, ac in tabulis terrae procuravimus annotari. In quorum omnium robur et testimonium prae- sentes literas fieri et sigillis nostro et nobilium virorum, dominorum Hin- conis de Dubee purgravii Pragensis, Henrici de Lippa subcamerarii Boemici, Ulrici de Rziczano judicis terrae etc. obtinuimus communiri. Datum Pragae in ambitu sancti Clementis in pede pontis Pragensis fratrum Praedicatorum anno Domini millesimo trecentesimo nono, VI. Ca- lendas Augusti, Indictione septima. (Secundum autographum archivi olim Zderaziensis typis descriptum apud Dobner: Monumenta hist. Boh. Tom. I. 229.) 1309. Noverint universi — quod nos Witko de Swabenicz sive Hermanicz nostras villas duas liberas et per nullum imbrigatas circa Altam Mutam sitas, sc. Zálšie et Slúpnic, cum censibus, reditibus, utilitatibus et juribus universis, religiosis nostris, praeposito conventui et eorum successoribus mo- nasterii Zderasiensis — nunc dedimus jure proprietatis et dominii et ipsas transtulimus in eosdem, possessionemque ipsarum dedimus eidem pro 412 sexagenis denariorum Pragensium. — Et etiam nunc iterato in terrae ta- bulis in nostra praesentia et ad nostram instantiam sunt notata, prout ab anno citra obligationem ipsarum villarum fratribus in ipsas tabulas poni seu scribi procuravimus isto modo, vid. quod, si ipsas non exsolveremus in festo b. Galli tunc proxime secuturo vel in XIIII diebus ipsum immediate sequentibus, quod mox ipsae villae jure proprietatis et dominii in perpe- tuum ad ipsos et ipsorum monasterium pertineret. (Ex autographo membranaceo archivi olim Zderaziensis typis descri- bendum curavit Dobnerus in Mon. hist. Boem. tom. I. p. 232. — Čf. Palacký Č. Č. M. 1835 p. 436.) 1312. Nos Adolphus judex, Fridericus de Razic magister consulum, Heinri- cus de Belyna, Petrus Nyr., Apecz de Zusenbach, Thyrmannus, Cuns Mylde, Henricus Reyzel, Nicolaus Golde, Ulricus sutor, ceterique jurati et cives Pontensis civitatis, ad universorum notitiam pervenire cupimus insinuatione