PRAEFATIO Collecta solutioque eius Collecta, etiam losunga, steura, berna dicta, tributum per civitatem ab incolis colligendum erat. In Antiqua Civitate Pragensi collecta de bonis incolarum persolve- bantur. Omnes tributarii pretium bonorum censuumque suorum confitebantur. Iurati et officiales civitatis, collegia universitatis Pragensis, domus cleri solum liberi erant. Urbs in quartas quatuor, quae secundum ecclesias maioris momenti ibi sitas apella- bantur, divisa est - in quartam s. Mariae, s. Galli, s. Leonardi, s. Nicolai. Numerus civium tributariorum maximus in quarta s. Nicolai, inquilinorum tributariorum in quarta s. Galli erat. De omnibus quartis autem paene pares summae collectae sunt. Collectam collectores de consilio civitatis et de communitate electi colligebant nota- rio collectarum (ab anno 1429 Andreas Šedivec, 1427 fortasse Martinus postea no- tarius consilii), nuntio (1427 fortasse Kazko, 1429 Mathias Fryška, 1433-34 fortasse Jan Ščrba), servitori iudicis (1429 Thomas) adiuvantibus. Est etiam liber collectarum anni 1426 notus, sed codex nr. 20 Archivi Civitatis Pragensis unicus liber collec- tarum Antiquae Civitatis Pragensis ad tempora nostra perveniens est. Descriptio codicis Codex Archivi Civitatis Pragensis nr. 20 codex chartaceus longitudine 29,7, lati- tudine 22 cm in tegumento membranaceo, in dorso cum quatuor zonulis coriaceis, est. Operculum anterius inscriptio „In hoc volumine continentur duplices libri collec- tarum: primus trium collectarum, secundus vero quattuor collectarum“ ornat. Pars exterior operculi posterioris notam hodie paene illegibilem, partes interiores te- gumenti notationes computatorias continent. Foliationes duas codex habet folia exscissa praetereuntes, iuniores ambo; folia 142 hodie numerantur. Folia inter fol. 17-18 (duo), 29-30, 55-56, 90-91 absunt. Formae tres filigrani in codice apparent: caput bovis (iterum formae tres, prima in phylire 1—4, altera et tertia in phylire 6-9), tres montes (formae duae in phylire 5), tres montes in circulo siti (phylirix 5). Una forma solum certe distinguitur, nempe caput bovis in phylire 1—4. Piccard eam anno 1429 attribuit. Codex de novem phylirix componitur, quarum quatuor anteriores duo- decim folia continent, quinta folia viginti octo, tres sequentes duodeviginti folia et ultima sedecim folia continent. Brevis conspectus codicis sequitur: 1' vacat; 1° no- tationes de impositione collectarum et de electione collectariorum: „Anno domini m'ccccexxvii° sabbato ante Margarethe inposita est una collecta (...) Anno domini m'cccc xxix' sexta feria in die sive festo passionis beate Ludmille dominice Miserere inposite sunt due collecte...“; 2'-9' index tributariorum secundum ordinem domorum cum notis de fundamento vectigali et de summis datis; 9' notationes de vectigali civis de novo in civitatem suscepti: „Anno domini m'cccc xxx" tercia feria ipso die beati Ambrosii dominice ludica me Andreas Stuk susceptus est in concilio a dominis con- sulibus (...) in concivem Maioris Civitatis (...) qui de bonis suis racione collectarum debet solvere (...) Andreas Stuk anno etc xxx°(...) 1 g. (...) Item pro termino sancti Galli...“; 10—vacat; 11'—43° continuatio indicis de fol. 2'—9', 44'—55° vacant; 56'-62 percepta collectae anni 1429 a civibus collecta: „Anno domini M'iiii xxix' sexta XLIX