906 Regesta Bohemiae et Moraviae. Johannes, dei gr. marchio Moraviae, ad rei memoriam sempiternam. Licet in singulis nostrorum fidelium profectibus delectemur ferventius, in illorum tamen commodis aspi- remus ardentius, qui plerumque hostium sunt expositi incursibus, quique a dive memorie nostris progenitoribus gratiis singularibus sunt respecti. Sane pro parte fidelium nostrorum civium in Radissch oblata nobis petitio continebat, quatenus litteras seren. principum, dd. Ottakari, Vencezlai et Johannis, genitoris nostri charissimi, cl. mem. regum Bohemie et marchionum Moravie, quas nos salvas et integras conspeximus easque auscultavimus dili- genter, approbare, innovare, cum eorum singulis articulis ratificare gratiosius dignaremur. Nos ipsorum nostrorum predecessorum vestigiis inherere volentes, predictorum etiam civium nostrorum petitionibus favorabiliter inclinati, ipsas litteras approbamus, ratificamus et de certa nostra sciencia innovamus. Et ut certi articuli in ipsis litteris expressi ad singu- lorum deducantur notitiam, ipsos ad dictorum civium petitionem instantem presentibus inserimus et eos singulariter approbamus, videlicet: Prefati cives omnes et singuli per quecumque thelonia in Boemia et Moravia transeuntes cum ipsorum rebus quibuslibet a datione omnis theolonii debent esse liberi et exempti. Et quod semita publica omnia de Ungaria et [in] Ungariam per Scalicz et Cunvicz transire volentium non alibi quam per Radissch futuris temporibus habeatur. Et quod infra spatium miliaris unius, circa ipsam civitatem distantis, cerevisia non braxetur. Et quod cippus et causa iudiciaria infra unum miliare similiter non habeatur alibi, quam in Radissch, sine tamen illorum hoc admittimus preiudicio, si qui de hoc litteras nostrorum predecessorum, regum Boemie et marchionum Moravie, obtinere noscuntur. Ad amplioris quoque dictorum civium profectum decerni- mus et virtute presencium in ipsa civitate perpetuis temporibus observandum, ut deinceps iudicia terre nostre, quomodo in Bzencz habentur, non alibi, quam in Radisch hebdomadis singulis observentur. Et quod forum annuale sive nundine bis per annum, primo videlicet finitis tribus ebdomadis post festum Resurrectionis domini, et secundo die b. Martini inci- piant et observentur cum ipsorum libertatibus per omnia, ut in primo foro annuali prioribus temporibus fuit tentum. Mandamus itaque universis et singulis baronibus, nobilibus, clienti- bus, burgimagistris, civibus et theloniariis quibuslibet per marchionatum nostrum consti- tutis, fidd. nostris dill., nostre gracie sub obtentu, quatenus prefatos cives nostros in pre- missis graciis et indultis non impediant nec impedire permittant, prout propria incommoda et pericula rerum suarum voluerint evitare. Harum quibus ad perpetuam rei memoriam sigillum nostrum appendi fecimus testimonio litterarum. Dat. Brode Ungaricalis tercia fer. ante d. b. Francisci proxima a. d. millesimo trecentesimo sexagesimo tercio. E cop. vidimata archivi civitatis Brodae Hungaricalis ed. Brandl, Cod. dipl. Mor. IX p. 242 n. 322. — [L]. 1505) 1363 oct. 1. Kutná Hora. Chunczlinus Ruthardi, civis civitatis Kutná Hora et magister montis, Vrativogio decano, Nicolao scolastico totique capitulo ecclesiae Pragensis promittit se brevissimo tempore fodinam in fovea dicta) Werhutter, in bonis capituli sita, fodere; propter quem laborem capitulum ei eiusque sociis 300 sex. gr. Prag. dare debet; ea summa a praedicto Chunczlino sociisque eius per- cepta capitulum Pragense plenam auctoritatem super dicta fodina habebit. Noverint universi tam presentes quam futuri, quibus presens ostensum fuèrit vel demonstratum, quod ego Chunczlinus Ruthardi, civis Montis Kutne et magister montis et fovee, que Asinus nuncupatur, iuxta deliberacionem voluntarii et sani consilii Enderlini Examinatoris, tunc temporis magistri monete dicti Montis Kutne ibidem, mei concultoris, et consilio scausorum supremorum et meo necnon aliorum meorum concultorum consensu ac matura et voluntaria deliberacione simul indivisim desuper prehabita ob mee dicte fovee seu meorum dictorum concultorum proventus et subscriptorum dominorum utilitates