788 Regesta Bohemiae et Moraviae. monasterium tutelae et camerae suae reservans; nobiles et officiales vetat res monasterii et subdi- torum eius in vita et in morte ipsorum quocumque modo attingere. Johannes, dei gr. marchio Moravie, religg... abbatisse et conventui monasterii b. Marie virg. in Antiqua Brunna, Cist. ord., devotis nostris dill., graciam nostram et omne bonum. Principum decet clemenciam sibi subditos piis prosequi favoribus, illos tamen quodam sin- gulari favore pre ceteris, quibus devota religio et devote religionis suffragatur observancia, quique a divis nostris progentitoribus graciis singularibus sunt respecti. Volentes itaque in hoc nostrorum predecessorum inherere vestigiis, et ut eciam nostri et nostrorum here- dum devota in vestro monasterio habeatur memoria vos, vestrum monasterium et homines vobis subditos circa omnes gracias, libertates et indulta predecessorum nostrorum conser- vamus presentibus et volumus futuris temporibus graciosius conservare, ab omnibusque et singulis nobilium, baronum, iudicum, iusticiariorum, burgraviorum et officialium terre nostre quorumlibet iurisdiccionibus, dacionibus, iussionibus, mandatis et preceptis quibus- libet vos, bona vestri monasterii et homines virtute presencium eximimus et nostre tuicioni et camere solummodo reservamus, volentes, ut ipsis non pareatis nec obediatis in aliquo, sed in omnibus agendis et causis vestris, vestri monasterii et hominum ad nostram magnificenciam dumtaxat vel ad hunc, quem ad hoc deputandum duxerimus, de cetero recurratis. Decernentes virtute presencium, ut de bonis decedencium subdi- torum vestrorum nullus se presumat intromittere, sed ipsa debent ad vestram disposi- cionem futuris temporibus pertinere. Mandamus itaque universis et singulis baronibus, nobilibus, burgraviis, iusticiariis et officialibus nostris quibuslibet, qui nunc sunt et qui fuerint pro tempore, quatenus de vestrorum subditorum et hominum ac vestris bonis et rebus in vita et in morte non presumant se intromittere nec iudiciis in bonis vestris presidere, casibus in privilegiis vestri monasterii dumtaxat exceptis, neque eciam vos et vestros homines in aliquo perturbare, prout propria pericula et nostram indignacionem irremissibilem voluerint evitare. Harum, quibus sigillum nostrum appendi fecimus, serie literarum. Dat. Nova villa die Incarnacionis domini a. d. millesimo trecentesimo sexagesi- mo tercio. Orig. perg. cum sig. marchionis de cera rubra in press. perg. Brunae in archivo olim terrae Moraviae, nunc vero publico, sign. St. Brno Cist. A 27. — Ed. Brandl, Cod. dipl. Mor. IX p. 223 n. 306 ad 25. diem m. mart. a. 1363. — Extr. Šebánek, Archivy zruš. klášt. mor. a slez. p. 161 n. 800. — HU — [LJ. 1) Incarnatio domini dies 25. m. mart., sed etiam 25. m. dec. esse potest., ut Grotefend, Zeitrechnung d. deut- schen Mittelalters I p. 7, Emler, Rukovět křesťanské chronologie p. 77, Friedrich, Rukověť křesťanské chro- nologie p. 308 testantur. Litteras ad 25. diem m. dec. a. 1362 contra Brandl digerere statui, quod Johannes marchio comes imperatoris Karoli erat, cum ille mense martio Nurembergae morabatur, ut nomen eius in litteris imperatoris 15. et 17. die m. mart. Nurembergae datis testatur. (Reg. imp. VIII 3093, 3099). In litteris quidem, quae 18. die m. mart. datae sunt (vide infra n. 1370), ), inter testes non nominatur, sed illae litterae marchionibus Brandenburgensibus, Bolcone, duce Svidnicensi ipsoque Johanne marchione petentibus scriptae sunt et pactionem de hereditate Brandenburgensis marcae affirmant, quae, si heredes recti imperatoris et regis Karoli morerentur, ad marchionem Johannem eiusque heredes transeat; ergo verisimile non videtur, ut illo ipso tempore marchio Johannes Nuremberga abiret. Profectio Norimberga Brunam, pre- sertim primo vere, cum nix in aquam mutaretur, longius temporis manebat, quam septem dies, praecipue si similem profectionem imperatoris Karoli Karlštejn Nurembergam mense iunio a. 1360 cum hac profectione comparamus, quae etiam quasi unam hebdomadam manebat (vide supra n. 557). Cf. et. litteras supra sub n. 1080a typis excusas, quae testantur consuetudinem in dioecesi Olomucensi annum 25. die m. dec. incipere. 1297) 1362 dec. 25.1) Královo pole. Johannes, marchio Moraviae, conventum monasterii in Oslavany, Cisterciensis ord., ex iurisdictione nobilium et officialium terrae Moraviae eodem modo eximit, ut in litteris supra sub n. 1296 typis excusis continetur.