732 Regesta Bohemiae et Moraviae. decim mar. in festo s. Wenczeslay in Olomucz singulis annis eccl. Olomucensi pro capella antedicta et pro rectore et capellano, qui pro tempore fuerit, apportare et persolvere meis propriis laboribus, periculis et expensis. Quod si non facerem, extunc statim ego et fideiusso- res seu conpromissarii mei infrascripti obstagium debitum et consuetum in civitate Olo- mucensi in hospicio, nobis vel alteri nostrum per capitulum Olomucense seu rectorem capelle predicte deputato, tenebimur seu tenebitur in personis propriis vel propria in persona subintrare more solito prestaturi et abinde non exire, donec de ipso censu et dampnis quibuslibet per et exinde perceptis eisdem fuerit satisfactum. Si vero ante dictam intabula- cionem diem clauderem extremam, tunc heredes mei predictam villam possidebunt sub modis et condicionibus suprascriptis et quam cito predicta villa intabularetur, statim dicti heredes mei eccl. et capitulo Olomucensi ac predicto capellano s. Anne de eadem sine ali- qua excepcione et defensione iuris vel facti cedere et resignare tenebuntur, nisi de voluntate et consensu capituli et capellani predictorum heredes mei habere possent, ut eis consimilis tuicio committeretur. Et ut hec omnia et singula sine quavis difficultate debitum sorciantur effectum, nos Henricus de Fullenstein, Stephko de Wirbna, fratres et amici d. Herbordi supradicti, omnes et quilibet nostrum insolidum una cum d. Alsicone predicto, fratre nostro carissimo, cum ipso et pro ipso eidem d. Herbordo et capitulo Olomucensi necnon capellano sepedictis omnia et singula supradicta facere et adimplere promittimus sub fidei nostre puritate. In cuius rei testimonium presentes iussimus fieri et sigillorum nostrorum munimine roborari. Dat. et act. in Olomucz a. d. millesimo trecentesimo sexagesimo secundo fer. tercia in vigilia Decem milium militum, hoc est vicesima prima die m. iun. Orig. perg. cum 3 sigg. rott. de cera comm. in press. perg. Olomouc in archivo olim capituli eccl. Olomucensis, sign. A II a 9, nunc vero in archivo publico ibidem. — In dorso: Super villa Ruseyn ad capellam s. Anne de XIII mar. — Sigilla: I) in clipeo tres gladii pomo infixi (cf. Sedláček, Českomoravská heraldika p. 289), laesum. 2) signum idem ut 1), laesum. 3) clipeus barula divisus, in utraque parte tres stellae diverse positae (Sedláček I. c. p. 327). — Ed. Brandl, Cod. dipl. Mor. IX p. 209 n. 283. — Contulit Věra Jenšovská. — HU — [LJ. 1201) 1362 iun. 22. Na Zderaze. Nicolaus praepositus totusque conventus monasterii Zderaziensis, ord. s. Sepulcri dominici Hierosolimitani, profitentur Benedictam, relictam Guillelmi de Bor, unam sexagenam gr. census annui super campo dicto Hrabišin et curia dicta Rosteyl, destinatam pro pitantia fratrum dicti monasterii, quam Nicolaus de Jilové, civis Pragensis, monasterio solvere debet, emisse seque et successores suos ad anniversaria pro animis Guillelmi de Bor, Benedictae supra dictae et filiorum ipsius Ulrici et Guillelmi, confratrum praedicti monasterii, peragenda obligant. Nos fr. Nicolaus prepositus et Nicolaus prior ac totus conventus monasterii Sderazien- sis in Nova civitate Pragensi, ord. s. Sepulcri dominici Jerosolimitani, t. p. recongnoscimus — —, quod honesta matrona d. Benedicta, domini Wilhelmi quondam de Bor pie record. relicta, nostra et nostri monasterii incola, soror et benefactrix, ut dicebat ad dominum nostrum Jesum Cristum et beat. Mariam totamque celestem curiam zelum habens fervide dilectionis ac desiderans terrena in celestia et transitoria in eterna felici commercio commu- tare, et specialiter pro remedio dicti d. Wilhelmi de Bor mariti et Ulrici ac Wilhelmi quon- dam concruciferorum fratrum nostrorum, filiorum ipsius, et omnium fidelium animarum propriaque salute, pro fratribus conventualibus nostri monasterii Sderaziensis consolacio- nem ac pytanciam facere perpetuam et specialem unam sex. vel sexaginta gr. Prag. den. perpetui census et reddituum, quam discr. v. Nicolaus de Ylaw, civis dicte Nove civi- tatis, et omnes successores eiusdem, possessores campi dicti Hrabissyn, de ipso campo sub iure emphitetico ac de curia et allodio dicto Rosteyl ad hoc obligato nobis et nostro mona- sterio perpetue dare et persolvere debet et debent, a nobis et nostro monasterio pro decem