568 Regesta Bohemiae et Moravice. 950) 1361 iul. 7. Vyšehrad. Guillelmus [de Lestkov], decanus, et capitulum ecclesiae s. Petri et Pauli in Vyšehrad domum in Maiore civitate Pragensi Johanni de Sternberg dicto de Zlenic, pro centum sexagenis gr. den Prag. vendunt, ut lignea canalia aquaeductus de dolato lapide construant. Nos Wilhelmus, dei et apost. sedis gr. decanus, Johannes custos et capitulum eccl. Wyssegradensis sacrosancte ad Romanam ecclesiam nullo medio perpetinentis ad univer- sorum — — volumus noticiam pervenire, quod nos provida consideracione pensantes, qualiter canalia, per que in castrum Wyssegradense per longum terre spacium de certis vivis fontibus ultra eccl. s. Pancracii extra muros Wyssegradenses nascentibus aqua conducitur, dudum fuerint et adhuc sint de ligneo opere fabricata, que cum sint, prout situs loci requirit, infra terram reposita de facili putrefiunt et ex hoc non solum frequenter intercipitur cursus aque, verum eciam aqua per huiusmodi putrefactos canales defluens viciatur, cum et locus eciam ad caput foncium, ubi primum unda late colligitur et inde recipitur per canales persepe stangnatur et per innatantes ranas inficitur sic, quod utentes ea sicut uti oportet, cum nullus alius fons sit in Wyssegrad usui hominum et animalium aptus, non solum quendam horrorem et nauseam paciuntur, quin ymmo nonnunquam vite periculo se exponunt. Nichilominus tamen pro refeccione predictorum canalium oportet capitulum singulis annis expendere in carpentario seu magistro refectore eorumdem octo sex. vel citra gr. den. Prag.. Quapropter cupientes nos a predictis incomodis et periculis liberare et ab honere expensarum huiusmodi relevare post longam et maturam delibera- cionem in hoc tandem comuniter omnes resedimus, ut canalia ipsius aqueductus de solido et dolato lapide construi faceremus sic, quod locus in capite foncium, unde primo seaturiunt a fundo, similiter ex dolato lapide laboratus singulas ipsorum veneas recolligat et super terram paulisper elevatus arcius contrahatur, ne ipsa fontana valeat rastagnari, sed per declivitatem velociorem cursum capiens, recens et munda continuo defluat ac preter impensas assiduas et perhennis fiat et cum hoc utentibus salutaris. Ut autem conceptum nostrum non tam utilem quam necessarium possemus perducere operis in effectum domum seu hospicium nostrum in Maiori civitate Pragensi ad muros ipsius civitatis in parrochia s. Stephani prothomart. sitam, ab omni onere civitatis liberam, de qua domo nobis nullus fructus proveniebat aut modicus, de communi omnium nostrum consensu frequenti tractatu et deliberacione premissis, nob. v. d. Johanni de Sternberk dicto de Zlenicz pro- summa centum sex. gr. Prag. rite vendidimus omneque ius, quod nobis, capitulo et ecclesie nostre Wissegradensi predicte in eadem domo seu hospicio competit aut competere pote- rat, transtulimus in eundem taliter, quod ipse et heredes sui domum ipsam cum area et omnibus iuribus, utilitatibus et pertinenciis suis universis cum omni dominio sicut ad nos et ipsam nostram ecclesiam pertinebat, iure hereditario et in perpetuum habeant, teneant et possideant eisque utantur libere et de eis, tamquam de re propria disponant et faciant hoc, quod eorum placuerit voluntati. Quamquidem pecuniam per ipsum d. Johannem nobis et ecclesie nostre per manus Rembote, civis Pragensis, plenarie et integraliter solutam et in nostram et ecclesie nostre evidentem utilitatem, ut predicitur, convertendam sic, quod de ipsa pecunia centum sex. eundem d. Johannem, heredes et successores suos presentibus qui- tamus et liberos esse dicimus et solutos, renunciantes sponte et libere ac sine qualibet coaccione excepcioni non numerate vel non solute nobis vel [in] utilitatem nostram et ecclesie nostre supradicte non converse pecunie et omni alteri iuris auxilio, quo iuvari possemus ad requirendum nostro vel ecclesie nostre predicte nomine ab ipso d. Johanne vel heredibus et successoribus suis eandem pecuniam in parte aliqua vel in toto, sed ipsam vendicionem per nos, ut premissum est, communiter et de omnium nostrum consilio et voluntate et consensu prefato d. Johanni et suis heredibus factam ratam habere promittimus atque firmam, promittentes contra ipsam de iure vel de facto vel alio quovis modo non venire, renun-