502 Regesta Bohemiae et Moraviae. duas partes penarum ex eisdem maioribus culpis sive causis vel earum altera provenientibus pro se reservando et partem terciam earumdem culparum iudicio sive iudici predictarum villarum, qui fuerit, presentando. Porro antedictus Henslinus Meinhardi de predictis quin- quaginta octo laneis eciam duos laneos cum dimidio laneo a census onere liberos pro pascuis seu ad pascua peccorum et pecudum et aliorum animalium et iumentorum ad predictarum villarum Zwol et Ohrobecz omnium villanorum — — communem utilitatem donavit, contulit atque dedit, ita eciam, quod omnes predictarum duarum villarum villani pecudes, peccora et alia eorum animalia possunt et debent in piscinis in eisdem villis situatis ad- aquare sine cuiusvis hominis impedimento, eo expresse excepto, quod prenominati Nicolaus et Hainlinus fratres et ceteri eorum cohabitatores, heredes et successores eorum pascua iumentorum cum omnibus suis circumferenciis et limitibus, a villa Brziezan versus campum dictum Wydym tendencia, non debent neque possunt prohibere, impedire, destruere vel excolere, sed ea, sicut ab antiquis temporibus hucusque ad eos deducta sunt, integra et illesa perpetue observare. Demum predictarum villarum Zwol et Ohrobecz villani de predictorum quinquaginta quinque laneorum et dimidio laneo quolibet unam mensuram siliginis et unam mensuram avene d. plebano eccl. parrochialis in Wrany tenentur et debent annis singulis decimare. Denique supradicti Nicolaus et Hainlinus fratres et eorum heredes alque cohabitatores pro quolibet laneo predictorum laneorum residuorum, videlicet quinquaginta trium cum dimidio laneo, novem sex. gr. den. Prag. nomine arre, que in vulgari boemico podaczie et in theutonico anleyt dicitur, prelibato Henslyno Meinhardi, prout coram nobis fassus est, iam plene et integre persolverunt, ita quod ipsi, heredes et successores eorum predictos quinquaginta tres laneos cum dimidio laneo cum eorum pertinenciis omnibus et singulis habebunt, tenebunt et possidebunt exnunc de cetero in perpetuum iure theutonico seu hereditario et quilibet villanorum de quolibet huiusmodi laneo unam sex. cum dimidia sex. gr. Prag. den., vel tantumdem puri argenti moneta forsitan inmutata, quatuor pullos, unam sexagenam ovorum et unam mensuram ordei, vel si magis eorum voluntati pla- cuerit, prout eciam hoc ipsum favet eis predictus Henslinus Meinhardi suo, heredum et successorum suorum nomine ex gracia speciali, tunc duos gr. pro pullis, unum gr. pro ovis et tres gr. pro ordeo solvent et dabunt in censu et Prage duntaxat et non alibi presentare debebunt et tenentur, medietatem huismodi census in festo s. Georii proxime venturo et aliam medietatem in festo s. Galli extunc inmediate sequturo et sic deinceps in eisdem terminis annis singulis exnunc inantea successuris. Quandocunque autem in aliquo pre- dictorum festorum festo et infra quindenam deinde continuam censum in hac parte debitum dare et persolvere neglexerint, extunc quilibet villanus, qui in hoc negligens fuerit, penam octo gr. ipso facto se noverit incurrisse, et similiter pro qualibet quindena, dictam quindenam sequente, pena huiusmodi augeatur. Pro quibus quidem censibus et minutis iuribus neglectis et penis non solutis dicti villani, qui in hoc negligentes extiterint, poterunt per predictum Henslinum Meinhardi, heredes et successores suos, dictarum villarum dominos, tantum, quantum eis in hac parte sufficiat, pignorari et eciam aliis penis arceri, eciam cum pignori- bus, cum aliqua receperint, possunt et debent facere, ordinare et disponere, prout eis vel corum successoribus utilius videbitur expedire. Adiectum est eciam et evidenter expres- sum, quod ultra ea, que premissa sunt, nullus villanorum sepedictorum per dictum Hensli- num Meinhardi, heredes et successores suos, dictarum villarum dominos, debebit seu pote- rit in aliquo onerari aut aliqualiter agravari. Et in horum omnium premissorum robur et testimonium perpetuo valitura sigillum civium Pragensium seu civitatis Pragensis pre- dicte ad preces predictarum parcium presentibus est appensum. Dat. Prage in die s. Be- nedicti conf. a. d. millesimo trecentesimo sexagesimo primo. Orig. cum sig. in press. perg., fracto, olim in archivo monasterii Aulae Regiae, postea Pragae in biblio- theca Nat. et univ. sign. n. 291, nunc vero in archivo publico centrali. — Ed. Tadra, Listy kl. Zbraslav- ského p. 114 n. 161. Extr. Schubert, Urkundenregesten aus d. chem. Archiven d. aufgehobenen Klöster — Böhmens p. 124 n. 947. — Teige, Základy starého mistopisu I p. 286 n. 42.— HU — IMJ.